ORANJESTAD,Aruba
Na momento cu tin un crisis of situacion na unda e pueblo di un Pais of e Pais mes ta na peliger sea pa motibo di salud of seguridad e presidente of minister presidente di e Pais por dicidi di pone un toque de keda. E decicion aki ta wordo tuma den interes publico y hopi biaha ta bay hunto cu un estado di emergencia. Maske publico por ta di opinion cu esaki no ta necesario e mandatario mas halto di e Pais por tuma e decision aki si e ta pensa cu publico y Pais ta na peliger. Na momento cu e toque di queda ta wordo inicia esaki ta bay conhuntamente cu tur instancia concerni y tur autoridadnan den e Pais. Despues cu e decision y reglanan di e toque di queda ta wordo tuma e sigiente paso ta cay den man di Justicia of autoridadnan concerni pa ehecuta e decision y reglanan aki. Mayoria biaha e cuerpo policial di e pais ta wordo uza pa percura cu publico ta tene su mes na e decision tuma dor di e presidente of minister presidente di e Pais.Toque de queda no ta mara na un horario internacional. E horario ta wordo dicidi dor di e mandatarionan y ta locual publico mester wanta su mes na dje. E reglanan di toque de queda tambe ta wordo stipula sigun e mandatarionan di e Pais.Es decir cu por tin caso unda permiso por wordo duna pa sierto persona of compania cu por hanja exception pa local ta e reglanan stipula esaki por solamente si e mandatario di mas halto di e pais es decir e presidente of minister presidente ta autorisa esaki. Pa esnan cu ta na cas e toque de queda ta nifica cu bo persona mester ta paden di bo cas sera durante e horario di e toque de queda. E durashon di un toque de queda tambe ta wordo dicidi dor di e mandatario mas halto di e Pais den conhunto cu su staff concerni. E consecuancianan pa esnan cu no wanta nan mes na e reglanan stipula di e toque de queda por wordo duna sea den forma di multa of e personan aki por wordo arresta cu consequencianan grave cu ta poni den reglanan. Nos di E Arubiano News ta avisa henter publico di Aruba pa keda paden di bo cas durante e toque de queda y pa wanta bo mes na e reglanan stipula. Keda cas y cuida bo mes y bo ser kerinan.
Aruba ta pasando den un momento dificil y tur hende cu ta riba e pida baranca aki nan salud ta den wega. Laga nos tur pone di nos parti pa STOP DI PLAME
