Prome di Juli ta dia di lucha pa libertad, dia di mansipashon. Aña pasa Gobierno di Hulanda oficialmente a pidi despensa na e islanan den Reino Hulandes cu pa añanan largo a practica sclavitud y a dedica un aña di conscientisacion y investigacion riba e historia di sclavitud riba e islanan pa 1 aña largo. Awe 1 aña despues a clausura e 1 aña di dedicacion na Keti Koti.
Na Oostenpark na Hulanda a tuma luga un ceremonia oficial unda cu mandatarionan presenta y descendientenan di esclavo na Hulanda a recorda e dia y tabata presente pa mira kico ta loke e gobernantenan a declara na nan. E celebracion ta e libertad cu nan a haya. 161 aña atras na Surinam un pais cu ta parti di Reino Hulandes e sclavitud a keda elimina riba papel. Aña pasa oficialmente a cuminsa celebra e Keti Koti unda ta celebra e libertad na museumplein na Hulanda.
E ceremonia oficial a tuma luga na Oostenpark na Hulanda y prome minister demisionario hunto cu diferente ministernan demisionario di Hulanda tabata presente . Minister demisionario di enseñansa na Hulanda Dijkgraaf a coordina e evento completo. Esaki ta e ultimo trabounan di e gobierno bieu di Hulanda paso mañan lo introduci oficialmente e gobierno nobo di Hulanda unda cu nan lo huramenta pa cuminsa dirigi e pais Hulanda den e siguiente añanan.
Hopi persona a presenta na Oostenpark pa asina recorda loke ta nan historia y nan antepasadonan a pasa aden pa awe nan ta liber. Hopi di esunnan presenta ta kere ta importante cu e generacion nobo cu ta bini ta importante pa nan sa di unda nan ta bin y sa nan cultura y cu nan ta liber y kicop realmente ta e relacion di Hulanda cu e islanan den Caribe.
Den diferente stadnan na Hulanda ta celebra e Keti Koti pa asina biba hunto cu esunnan cu nan antepasadonan a pasa duro pa awe nan ta liber y recorda e historia y na mes momento ta agradecido cu Hulanda a reconoce y duna disculpa publicamente na e islanan den Caribe den tur e tristesa y dolornan cu nan a pasa aden.
Loke a resalta den henter e evento ta cu presidente di Tweede kamer na Hulanda Sr. Martin Bosma no tabata presente na e final di dia di mansipashon, esaki hopi di esunnan presenta ta lamenta e parti aki. Sinembargo te ainda e discurso di Rei Willem Alexander ta keda resona y ta keda un momento emocional pa tur esunnan presente, “De tijden zijn verandert “.
