Na Curacao a tuma luga conmemoracion di dodenherdenking. Den oranan di mainta a hisa bandera di Curaçao y di Hulanda na mita y e militarnan tabata presente pa asina duna honor na tur esunnan cu a bringa pa libertad di Curaçao.
A duna 2 minuut di silencio y a recorda e baluartenan di segundo guera mundial. Prome minister Pisas no tabata presente pero su reemplasante cu ta Minister di asuntonan social y labor Rutmilda Larmonie-Cecilia a hiba palabra. E mandatario a enfatisa cu tur aña dia 4 di Mei ta bini hunto, recorda y conmemora e heroe nan aki cu a lucha pa nos. E tema di e aña aki ta libertad, Libertad ta capacidad y derecho di e serhumano pa actua conforme su norma y balornan, boluntad y deseo semper teniendo cuenta cu limitacionnan regla den e leynan di un sociedad manera siguridad di Pais y orden publico.
Tratadonan internacional porehempel discriminacion entre rasanan respetando norma y balor di otronan den sociedad. Libertad ta crea un sentido di responsabilidad individual y social dirigi riba un desaroyo sano den conviviencia social. Den e cuadro aki den un pais democratico libertad por tuma diferente forma manera libertad di expresion, libertad di prensa, libertad di religion, libertad pa manifesta y libertad di escogo. E derecho di libertad individual ta esencial pa tin un desaroyo sano den un comunidad democratico.
