KRALENDIJK, Curacao
Welga na Corsou a bay fo’i man diaranson merdia momento cu trahadonan rabia di Selikor a yega Forti (Bestuurskantoor di Corsou) exigiendo pa papia cu prome minister Eugene Rhuggenaath. Esnan presente a vocivera cu nan ta contra pa entrega 12.5% di nan salario riba exigencia di Hulanda, pa Corsou haya prestamo (mescos cu na Aruba). Na momento cu a yega Forti, cos a bay for di man unda cu riot polis mester a los un tiro pa trankilisa e situacion, pero esaki no a logra.
Trahadonan a marcha for di Refineria, bin Punda, strobando trafico completo y caminda publico, pero polis hunto cu asistencia di riot team no a tolera esaki mirando e situaicon. Na yegada na Forti, a kibra e heki y benta e heki pa drenta Forti, y sigui pa paden. Na entrada di e edificio a bin topa cu Riot team of tambe yama Riot Commando Groep, pero esey no a stop e trahadonan. Aunke cu corsou a pasa den e mes un situacion di COVID-19 cu e otro islanan, e comunidad no kier scucha. Te na e momentonan aki na Corsou ainda ta hopi tenso y no ta descarta cu e situacion por escala. Tambe actualmente tin hopi daño haci na negoshinan y tambe hopi distrukshon.
Na corsou tin mal contento y trahadornan di Selikor a marcha y kibra heki di Forti
