Na Corsou den ministerio di finansas tin documentonan cu ta prueba tempo cu banco central a interveni Girobank y na 2015 mester a scoge un huisbankier nobo, ministerio di finansas a traha un sorto di regla cu diferente exigencia cu e banconan por a solicita riba dje pa asina haya punto pa asina mira cua ta e banco cu ta scoge. Docter Ben Whiteman ta duna di conoce cu su persona ta testigo di e echo cu esun cu a score mas halto cu tur ta Girobank apesar cu e tabata interveni, Segun Docter Ben Whiteman
No ta trata solamente cu e banco aki a score mas halto, pero e la score hopi leu for di e otro banconan. Sinembargo apesar cu Girobank a score mas halto ministerio di finansas di Corsou tabata esun cu tin e autoridad pa dicidi.
Di e manera aki ministerio di finansas di Corsou a scoge un otro banco cu no tabata na number dos riba e lsita tampoco. Segun Docter Ben Whiteman e situacionnan aki poco poco añanan ta pasa por mira e man nan visibel tras di tur e situacionnan aki. Docter Ben Whiteman ta duna di conoce publicamente cu e tin masha miedo mes di e rol cu banco central ta hungando den tur e asunto aki di Girobank.
Sinembargo nan tarea no ta esaki tampoco, banco central su tarea ta di constata kico tin robes, manera porehempel si tabatin maneho financiero robes traha un rapport dune na e doño di e organisacion cu ta e reunion general di miembresia pero no algun curator cu ta yega pa canta nan cancion.
Segun Docter Ben Whiteman pa hopi aña largo tur hende tabatin miedo di papia e berdad di e banconan na Corsou. Segun Docter Ben Whiteman a bira tempo pa pueblo su wowo habri y sa kico ta e problema. Esaki ta conta tambe mes un cos di e tempo cu a traha hospital unda cu e tempo ey tur e banconan priva a sinta hunto y a nenga di duna gobierno un interes hopi abao, e banconan tabata pata pata di placa pero asina mes nan a keda para riba nan interes halto. Di e manera aki Corsou a bay check cu banco di Hulanda unda cu a logra haya placa na banco di pueblo di Hulanda na un interes di 3 %
