Djadumingu 27 di òktober den oranan di mardugá meldkamer sentral a risibí notifikashon di un atrako ku arma di kandela riba Kaya C.E.B. Hellmund. Algun persona den un golfkar a maltratá i atraká e víktima ku un arma di kandela despues di un aksidente di tráfiko. E sospechosonan a bai ku e yabi di outu di e víktima i a bandoná e sitio.
Menos di 10 minüt despues polis a risibí notifikashon di un aksidente entre un pikùp i un skuter riba kaminda di Lac. Durante asistensia na e sitio, e patruya tuma nota di un golfkar ku varios pasahero. E patruya a disidí di hasi un kòntròl i a enkontrá un arma di kandela. A detené e sospechoso, un hòmber di inisial E.D.A. di 17 aña di edat, ku tabata den poseshon di arma di kandela en konekshon ku e kaso.
Pa loke ta trata e aksidente entre e pikùp i e skuter, a detené e shofùr di e pikùp, un hòmber di inisial M.R.M. di 34 aña di edat, pa manehá bou di influensia di alkohòl. E dos personanan ku tabata riba e skuter a keda heridá i ambulans transportanan pa hòspital pa tratamentu médiko
