.
Na Aruba tin hopi trabou, tin trabou pa tur hende, pero nos hende nan mester solicita. Un ehempel ta cu Hotel Secrets tabata hopi exitoso na unda cu un cantidad di persona local a solicita pa trabou. Sinembargo loke cu ta un realidad ta cu di San Nicolas tin un mayoria di persona cu ta traha na e hotelnan di Noord y awo cu Hotel Secrets ta na San Nicolas nan cas pa pia di trabou lo ta mas cerca cu ta bon pa e ciudadano, pero na mes momento ta crea un problema na noord.
Minister di Labor, energia y integracion Glenbert Croes ta duna di conoce cu pesey mes ta importante pa tur esunnan cu ta interesa pa drenta den e industria di hotel por solicita pa un curso na enseñansa pa empleo pa nan forma di loke ta e trabou cu nan ta desea pa asina por drenta e mercado laboral.
Actualmente tin hopi persona cu kier cambia di funcion y e grupo aki tambe ta bon bini na enseñansa pa empleo pa nan mes personal crece y haci cambio den e ramo di trabou cu nan ta. Actualmente tin enseñansa pa empleo na playa y na San Nicolas ta instrumental pa polish e hende nan pa por subi mercado laboral.
Pa Minister di Labor, energia y integracion Glenbert Croes ta importante cu tur hende cu ta biba na Aruba tin un trabou cu nan por traha y construi nan bida. Actualmente diferente companianan cu tin mester di hende pa traha ta activo cu diferente jobfair y gobierno di Aruba ta stimula tur pa nan por haya hende pa traha.
Sinembargo loke cu ta un realidad cu e economia cu nos tin hopi biaha mester traha orarionan cu hopi hende no ta gusta, porehempel orarionan di turismo cu ta shift y weekend. Sinembargo esaki no mester ta un obstaculo, paso un bida sin trabou ta hopi mas pisa cu un bida cu trabou cu lo duna bo satisfaccion y progreso personal. Importante pa e trahado namora su mes na e principionan di sinti satisfecho pa e trabou cu ta eherce unda cu miho traha mas lo por gana mas y awo cu e salario minimo pa mas ora cu traha mas ta wordo paga e ta un principio cu ta trece igualdad y oportunidad salarial.