Na Aruba tin un averahe di 6 hende perdi. Drs. Melva Croes Yanis ta lamenta cu na Aruba nos no ta bon organisa y nos no ta tene cuenta cu na momento haya hende morto sea ta un carpachi of no , mester por avisa pa asina mira si kisas a encontra un di e personanan riba lista perdi.
Recientemente autoridadnan a haya un carpachi, pero te dia di awe Fundacion Alzheimer Aruba no a haya ningun informacion pa sa si porciacaso por ta un persona riba e lista di personanan cu nan tin perdi.
Aunke cu tin personanan hopi aña perdi famianan ta keda pendiente y e ansha pa sa y encontra nan ser keri, di no notifica ta mustra un falta di respet pa e famia y e ser humano. Un di e personanan perdi for di 2009 a keda declara morto ultimo, esaki ta pa motibo cu despues di 10 aña ley ta bisa cu e persona ta keda declara morto ora cu e no wordo haya bibo. Esunnan perdi recien unda cu hasta tin turista te ainda no a keda haya te dia di awe no tin un contesta pa famia, pero tampoco polis no ta sigui haci buskeda y of notifica pueblo pa tene cuenta den nan bisindario