Museo Historico Arubano, Community Museum, Museum of Industry y Carnival Euphoria ta keda sosteni door di A.T.A

CEO di ArubaTourism Authority A.T.A Ronella Croes ta sumamente orguyoso cu A.T.A por ta parti pa reanuda e operacion di 4 museo cu ta cay bao di e guia di fundacion Museo Arubano FMA, e 4 museonan aki ta museo historico Arubano, community museum, Museum of Industry y Carnival Euphoria. Sinembargo A.T.A ya caba den pasado a brinda su aporte na operacion di e mes un museonan aki y awor aki despues di pandemia finalmente a yega na un acuerdo pa sigui cu e operacion pa cu e 4 museonan aki.

Segun CEO di A.T.A Ronella Croes ta hopi importante pa Aruba por trece su historia y cultura, nos herencia padilanti pa nos comunidad , pero sigur pa tur nos bishitantenan. Esaki ta un di e ehempelnan con A.T.A ta duna realse na esaki banda di multiple ehempel nan cu por duna cu A.T.A ta haci pa asina duna aporte na nos cultura den diferente areanan manera Carnaval, dia di Brazil,celebracionnan nacional incluyendo dia di betico, dia di himno y bandera, dia di Rey , Festival di Dande, bon bini festival y Aruba Art Fair tambe.

Esaki ta un otro paso con A.T.A ta priorisa proyectonan cu tin di haber cu nos cultura y historia. Pa CEO di A.T.A ta sumo placer pa uza fondonan di turismo pa asina inverti bek den turismo y den nos comunidad. E acuerdo cu e keda firma ta pa un termino di 2 aña y di e manera aki permitiendo e fundacion pa cuminsa tuma e pasonan necesario abase di un plantacion pa asina nan bin bek riba pia principalmente despues di e pandemia.

Click aki bao like y share