KRALENDIJK, Bonaire
Durante di e periodo di fakansi, muchanan di diferente akohida pa mucha na Boneiru, a bishita Kuerpo di Bombero Hulanda Karibense (BKCN) ku nan plan di fakansi. Edat di e muchanan tabata varia di 3 te 13 aña. Durante di e rekorido, e bomberonan maskulino i femenino a konta tokante di nan trabou i tokante seguridat di kandela. Tambe e muchanan a haña oportunidat pa wak tur e materialnan ku kuerpo di bombero ta uza i pa kore den un outo di brantwer.
Komo parti di e plan di fakansi, BKCN a organisá un kompetensia di pinta i obra di man. Na final di kada bishita, e muchanan tabata haña un outo di brantwer traha di papel, kual nan mes por a klùr i hinka den otro. Djabièrnè 14 di ougùstùs a anunsiá e ganadónan den tres kategoria di edat (3-5 aña, 6-9 aña i 9-13 aña). Komo premio, e ganadónan a risibí un tas di skol ku diferente artíkulo pa skol aden i tambe un tas ku kosnan di brantwer.
BKCN ta gradisí tur hende ku a mustra interes den brantwer durante di fakansi i ta deseá tur mucha un aña eskolar nobo eksitoso.
