Den un comunicado emiti OCTA, Overseas Territories Association, ta informa cu nan ta yama bon bini na mr. Juan Ady Thijsen, recientemente apunta como representante pa Aruba den Union Europeo, y el a bira e Presidente nobo di e Comision Ehectivo di e Asociacion.
Nan ta splica cu Thijsen ta un Abogado kende anteriormente a ocupa e posición di Presidente di Parlamento di Aruba for di november 2017 te cu juli 2021, y un miembro di Parlamento di Aruba desde 2005. Nan ta menciona cu e tin amplio experiencia den asuntonan di político y ta trece cu ne un conocemento excelente y liderazgo pa e asociación.
Como president di e comité ehecutivo di OCTA, Thijsen lo hunga un rol importante pa mantene un bon funcionamento di e asociación, como tambe den e relacionnan cu e Comision Europeo y otro stakeholdernan. E lo ocupa e puesto aki te cu e siguiente conferencia ministerial programa pa tuma luga mas laat den e aña’ki na Nouméa, New Caledonia.
Kico ta rol di e Comision Ehecutivo di OCTA
E comisión aki ta consisti di seis miembro y di e presidente. Su meta ta pa converti prioridadnan político poni door di Conferencia Ministerial – e órgano mas halto di OCTA den tumamento di decisión – riba accionnan specifico di apoyo na favor di miembronan di e asociación.
E Overseas Countries and Territories Association (OCTA) ta un organisacion funda dia 17 di november, 2000 y su sede principal ta na Brussels. Tur OCT a uni nan mes na e asociacion OCTA desde februari, 2020. SU meta ta promove desaroyo economico den paisnan ultramar, como tambe cooperacion cu Union Europeo.
Diestres paisnan ultramar (oct) ta asocia cu Union Europeo. E OCT-nan ta sitúa den regionnan Atlantico, Antartica, Caribe y Pacifico. Tur ta isla, y un di nan no tin un población permanente.
Nan ta islanan no independiente pero ta depende en gran parti di tres estado miembro cu cual nan ta lamtene lasonan special, manera Dinamarca, Francia y Hulanda.
Pa mas informacion riba e asociación y su organización, subi riba e website di OCTA na: https://www.overseas-association.eu/about-octa/
