Movementu di Pueblo Boneriano (MPB) a kuminsá ku un programa tur siman na Bonaire.tv. Den e promé programa e siman aki e invitadonan tabata lider di e partido Elvis Tjin Asjoe i miembro di Konseho Insular Din Domacassé.
Meta di e programa aki ta pa MPB duna informashon i pa laga televidentenan sera konosí ku su lidernan, entre otro tambe futuro kandidatonan riba lista pa e elekshon di 15 di mart benidero. E partido a pidi Bòi Antoin pa hasi e entrevistanan konserní.
E siman benidero, djamars, e siguiente programa ta bai den aire na Bonaire.tv pa 12 di mèrdia, ku vários ripitishon durante tres dia. Despues e ta aksesibel via Internèt atraves di e página di facebook di MPB.
