“Mi ta haña e nivel di keho di trahadonan na e Aeropuerto Internacional Princess Juliana desanimador”, ta bisa e lider di Partido Popular Uni UP i miembro di Parlamento, e Honorabel Rolando Brison.
Despues di a tende atrobe di e trahadonan, Brison a bisa cu nan ta sinti nan victima y cu nan trabou semper ta den peliger si nan no “aboga na e podernan”, manera algun trahadonan a bisa.
“Segun diferente trahado, e ta bira un situacion caminda ta trata mas di agrada bo patron of di ta parti di ‘cliques’, en bes di e nivel di trabou cu e trahado ta produci”.
Den un comunicado di prensa di diasabra, Brison a recorda ora el a bishita e aeropuerto y a tende e keho di e empleadonan. “Ta parce cu e situacion awe no a miho”, el a bisa.
Cu e kehonan aki na cuenta, Brison a presenta un mocion na Parlamento cu ta pidi gobierno, cu ta e accionista final di e aeropuerto, pa haci cu Princess Juliana Internacional Airport Holding PJIAH ta investiga kehonan di e empleadonan y prepara accion pa ser tuma dor di PJIAH (e board di holding) i e Board di Operacion di PJIAH pa remedia e situacion.
Su comentarionan mas reciente riba PJIA a bin despues di noticia cu un otro empleado local cu 12 aña di servicio na St. Maarten como un Specialista di Comunicacion na PJIA, ta wordo deteni pa motibonan poco cla. E reportahenan cu a circula den medionan local tabata cu CEO di PJIA Brian Mingo a suspende e Specialista di Comunicacion di PJIA, pa acusacion cu e a plama informacion falso tocante su persona y PJIA via WhatsApp. MP Brison ta bisa cu e sa hopi empleado di PJIA, incluyendo e Specialista di Comunicacion, kende e ta conoci pa casi 20 aña y ta considera un profesional.
“Mi a pidi e Minister di Turismo, Asuntonan Economico, Transportacion y Telecomunicacion, e Honorabel Arthur Lambriex, pa mira den ehecucion di e mocion aki cu comprensibelmente a ser presenta na e gobierno prome cu e a tuma posicion algun luna pasa. El a asegura mi cu como Minister di TEATT, e ta consciente di e situacion “potencialmente explosivo” na e aeropuerto y a ta hopi franco cu e direccion di PJIA tocante e asunto. El a sigura mi cu el a comparti su preocupacionnan tambe tocante e progreso di reconstruccion di e aeropuerto.
Parlamentario Brison ta bisa cu el a recomenda Minister Lambriex pa e gobierno considera pa executa e di dos parti di e mocion di aeropuerto pa sigura cu PJIAH ta conduci su evaluacion di maneho y reconstruccion. “Un parti di e evaluacion aki mester inclui un encuesta di (insatisfecho) di empleado pa asina empleadonan por presenta nan preocupacionnan directamente na un auditor independiente pa evita cualkier victima potencial di e direccion di PJIA”, MP Brison a bisa. Parlamentario Brison ta bisa cu e ta reconoce cu Parlamento tin un rol “di man largo” den supervision di entidadnan di gobierno. El a bisa, “Esaki tabata particularmente cla den e veredicto di corte riba PJIA su retiro di su ex COO. E hues a dicidi cu e ex-COO a honra e peticion di un ex presidente di Parlamento pa manda documentonan confidencial bek na Parlamento como un trampa di publicidad y, consecuentemente, e ta sinti PJIA hustifica den e retiro di e COO.
For di e despedida di e COO, MP Brison ta bisa cu el a tende di otronan cu ta meta di investigacionnan inicia pa Airport Management despues cu nan a keda firme riba puntonan cu nan no ta di acuerdo cu nan. El a bisa recientemente cu un siman pasa, el a siña cu un investigacion penal ta wordo conduci riba acusacionnan envolvi personal y direccion. Nos mester respeta e rol di e Poder Hudicial riba St. Maarten, pero tambe nos mester lucha contra inhusticia unda cu e ta wordo descubri”, MEP Brison a bisa.
“Como parlamentarionan, nos ta e representantenan di pueblo, y tin un cantidad asina grandi di empleado descontento den un compania asina importante manera nos aeropuerto, sigur merece nos atencion. P’esei, siguiendo e mocion presenta dor di e fraccion di Partido UP den Parlamento ta mi derecho y mi responsabilidad. Basa riba e mocion aki, gobierno por haña contesta y clarifica kico ta realmente pasando cu nos empleadonan na aeropuerto”.
“Mi kier recorda empleadonan di PJIA y tur esunnan cu tin keho den trabou cu nan por busca ayudo pa cubri e gastonan di representacion legal di Gobierno”, MP Brison a bisa. El a bisa: “Nos tin un aeropuerto cu ainda no ta bek na loke e tabata, y mi ta preocupa cu loke, den mayoria parti, ta parce di ta kehonan chikito pa cual empleadonan local ta ser mira ta contribui na e retraso den haya e reconstruccion di aeropuerto finalisa.
1 comment
[…] Source link […]