Fundacion Miss Bonaire ta contento di anuncia cu Miss Bonaire 2022, Ruby Pouchet, a firma oficialmente pa participa den e certamen di Miss Grand Internacional 2023. E evento aki ta keda programa pa tuma luga den e luna di october na Vietnam. Pa prome biaha den historia, Boneiro lo ta presente riba e escenario global di Miss Grand Internacional.
E aña aki Miss Grand Internacional ta celebra 11 aña di existencia. Miss Grand Internacional ta renombra como un di e certamen di beyesa mas importante y popular den mundo aworaki, cu un enfasis fuerte riba promocion di pas, e ta un evento “grand slam” y e ta competi ku certamennan manera cu Miss Universo, compartiendo un bista y proposito similar.
E aña aki, Ruby Pouchet lo ta e emblema di e gracia, carisma, y beyesa di Boneiro y nos tin confiansa cu e lo haci Boneiro orguyoso.
Fundacion Miss Bonaire ta yama tur Boneriano pa uni como comunidad y brinda nos sosten na Miss Bonaire 2022, Ruby Pouchet durante di e reto y etapa aki caminda e lo representa e isla di Boneiro.
