Karta di James Finies pa su Altesa Willem Alexander I na e Prome Minister nobo,
Mientras ku e pueblo di Boneiru ta kontinua ta luchando pa su derechonan fundamental humano konforme Artikulo 73 di e Charter di Nashonan Uni, mi lo kier rekorda su Altesa di e promesa hasi na ami I nos pueblo di Boneiru durante nos reunion riba 16 November 2013 na Boneiru. Bo seguransa a duna nos speransa, esaki konfirma pa karta di gobierno Hulandes di 8 januari 2014 di minister di asuntonan interior I relashonan di Reino Sr Ronald Plasterk, ku a ratifika nos derecho di outodeterminashon: “ Ku e pueblo di Boneiru tin derecho pa laga tende su bos I derecho di outodeterminashon ta un logro ku no ta suheta na diskushon I ta konta ku respaldo kompletu di e gabinete”
Di akuerdo ku e promesa aki, ami a protesta durante 222 dia konsekutivo dia I anochi na 2014, loke a kondusi na e referendum di 18 dezember 2015, kaminda 66% di e elektorado a rechaza e status aktual di Boneiru. Apesar di esaki, desishon di nos pueblo Boneriano a wordu ignora I nos derechonan nenga, trapa.
Nos a dirigi nos mes na Nashonan Uni, I riba 22 Juni 2016, ami a hasi un diskurso na Komite di Deskolonisahon, ku a rekomenda pa Boneiru wordu pone bek riba lista di Teritorionan-Sin-Propio-Gobernashon. Ekspertonan legal I konstitushonal Hulandes resientemente a konfirma ku a kita nos komo fayo muchu prematuro for di lista aki na 1955.
Durante nos diskushon di 16 november 2013, mi a aklara ku mi no ta busakando independensia pero solamente pa restora nos derechonan bao di Artikulo 73 di Charter di Nashonan Uni. Esaki ta di urgensia pasobra e poblashon nativo di Boneiru a wordu redusi na menos ku 32% debi na e kambionan demografiko desde 2010.
Nos ta apela riba su altesa su koperashon pa segura ku nos derechonan ta wordu respeta. Desafortunadamente e akshonan resien di representantenan di su altesa su gobierno Hulandes ta minando e esfuerso aki:
-Na e Konferensia di SIDS na Antigua I Barbuda na Mei 2024, nos kolega Davika Bissessar, presidente di Bonaire Human Rights Organization a wordu konfronta ku abuso I intimidashon rasial di parti di e gobernado di Saba sr Johnson
-Siman pasa , 20 juni 2024, e mishon Hulandes a bel e mishon di Azerbaijan i atenta na blokia nos partisipashon na un konferensia di dekolonisashon organisa pa Azerbaijan na sede di Nashonan Uni na New York
Ademas,nos tin indikashonan preokupante di tapmentu di nos komunikashonan di parti di bo servisio di inteligensia, kual ami a pidi pa stop esaki den mi karta di 27 juni 2022. Nos a enfrenta atentadonan di asesinato I aresto illegal debi na nos abogasia, lucha pa nos derechonan.
Ami ta pone responsabel su altesa su gobierno di Reino pa kuaklier otro amenasa di nos seguridat. Nos ta konfia ku su altesa lo atende ku e asuntonan aki I kumpli ku nos derechonan manera priminti.
Ku mayor konfiansa den hustisia I honestidat di su altesa real,
James Finies
Klik pa lesa karta :
Brief BZK 8 januari 2014 referendum Bonaire
Letter to Majesty King Willem Bonaire Case 22June2024
