Misha Raymond di delegacion di IPKO /Hulanda: Interesante y bon pa tende cu Hulanda ta reconoce cu Aruba ta tumando paso den parti climatico

Maneho di clima tambe a haya atencion den e reunion di IPKO na Hulanda e aña aki. Segun Misha Raymond (RAIZ) di delegacion di IPKO di Aruba ta duna di conoce cu a mira e clima di Aruba y con Aruba mes ta atende cu esaki tabata di hopi importancia. 

Na Boneiro a keda haci un investigacion y un presentacion unda a indica kico ta e puntonan cu ta pega cu ne, pero na mes momento hopi di e puntonan aki Aruba tambe ta reconoce cu ta pega cu ne. Segun Misha Raymond con ta motiva hende pa nan tambe asisti pa cu un clima miho y resolucion cu ta duradero. Sinembargo Aruba tin un maneho riba clima, pero na e otro islanan esaki ta haci falta, pero na mes momento e ta keda na con e minister ta wak su maneho y con parlamento ta toets y controla esaki. 

Segun Misha Raymon e ta hopi interesante y bon pa tende nan por reconoce cu Aruba ta tumando paso den e parti aki. Locual cu tambe a keda treci padilanti semper por tin un plan pero den  e ehecucion  semper ta keda un reto basta grandi.