Misha Raymond Delegacion di Aruba IPKO na Hulanda: Jorien Wuite di D 66 a bin cu Mocion pa cuminsa cu koninkrijks conferentie bek

E tema di sclavitud no a keda afo na e reunionnan  di IPKO na Hulanda, Segun Misha Raymond (RAIZ ) di delegacion di Aruba na Hulanda, dos persona a duna presentacion di museo na Hulanda cu lo keda introduci probablemente 2028-2029. 

A duna splicacion di kico e museo ta bay encera y kico ta e enfoke di e museo di sclavitud. Sinembargo Loke ta resalta ta cu Hulanda ta enfoka riba e rol di Hulanda den e temporada di sclavitud den Caribe, pero Hulanda tabatin un rol basta grandi den 40 pais na mundo pa loke ta trata sclavitud. 

Sinembargo a vocifera cu lo ta bay tin e opcion di mas rol di Hulanda den sclavitud den e otro paisnan tambe. Segun Misha Raymond pa no mina e responsabilidad cu Hulanda mester tuma pa cu nan rol den e tempo di sclavitud y pa e no parce cu ta solamente e islanan den Caribe so tabata na pia di e sclavitud, pero tabatin hopi paisnan mas cu Hulanda a hunga un rol grandi den dje. 

E dianan y e reunionnan tabata largo, pero por a tuma nota tambe cu mas y mas e islanan ta bin tende y compronde mas di otro unda e dolornan ta. Sinembargo prome cu e reunionnan di IPKO a cuminsa tabatin reunion di tripartiet unda cu tur e islanan a sinta hunto y ta discuti un rato riba ki liña cada isla ta para. 

Un otro tema cu tambe a bin dilanti ta e koninkrijks conferentie cu Jorien Wuite di partido D 66 a bin cu ne padilanti y a presenta un mocion pa bin cu esaki un biaha mas. Pa loke ta trata e koninkrijks conferencie ta encera cu e gobienronan ta reuni cu otro y intercambia ideanan y plannan y e rol di parlamento ta bay ta cu nan lo tin un bista mas y participa na e reunionnan aki pa ta na altura di e ideanan di e gobernantenan di e paisnan. 

Sinembargo for di Aruba e interes ta pa sa con esaki lo ta bay ta mas concreto pa asina sigura e trabao y e rol como parlamentario/ parlamento ta keda sigura den e proceso aki. Segun Misha Raymond e discusionnan tabata discucionnan bon y lo trece e discusionnan aki tambe den e siguiente IPKO cu lo tuma luga na Aruba na cuminsamento di 2024.

Sinembargo e discusion di geschillenregeling no tabata riba agenda , y  no a atende cu e reunion aki den e IPKO aki. Sinembargo e ultimo biaha cu a reuni a reuni riba geschillenregeling unda cu e parlamentonan a reuni riba esaki y Aruba ta encarga pa bin cu un concepto, pero ainda mester bin opinionnan riba e punto aki prome cu haci entrega na Hulanda pa forma parti den e discusionnan di IPKO. Parlamentonan di Reino Hulandes tin trabaonan pa haci prome cu geschillenregeling yega riba mesa di IPKO cu Hulanda.