Misha Raymond di partido RAIZ cu a lucha cu alma y cuerpo pa un normalidad cu no ta normal, siendo trahando pa mucha ta perhudicando pensamento di muchanan ora cu kier obliga pueblo pa acepta matrimonio di mesun sexo den e bachi riba moralidad di hende.
Misha Raymond un di e parlamentarionan principal di e causante cu a trapa riba derecho di pensamento di mamanan y comunidad religioso na Aruba y riba e contexto di matrimonio di mesun sexo na Aruba, Esaki ta norma y balor cu un politico kier duna na su pueblo pero principalmente na muchanan cu ta e generacionnan di futuro na Aruba?
Cu e ley cu Misha Raymond, Miguel Mansur y Marisol Tromp a boga p’e a bin na vigor y pronto movecionnan den scolnan pa perhudica mente y pensamento di nos muchanan lo cuminsa cu e bendicion di e tres politiconan aki cu ta di RAIX,Accion 21 y MAS.
Misha Raymond di partido RAIZ tambe ta e autor di desolve gobierno y parlamento di Aruba. Misha Raymond a percura pa kibra acuerdonan politico cu a keda traha na inicio pa forma gobernacion lubidando cu si no ta pa e partido di mas grandi den eleccion ultimo RAIZ no ta den gobernacion y Misha Raymond no ta den parlamento, aunke cu su deseo na prome instante no tabata pa el a drenta parlamento ya cu na inicio e tabata kier a hala Geoffrey Wever caba pa e por a bira minister, pero e no a logra.
Tambe Misha Raymond a bende su voto den Parlamento unda cu e ta pone un presion y practicamente obliga Minister Dangui Oduber traha un presupuesto, aunke cu Aruba tabata recuperando di pandemia y no tabatin espacio debi na e situacion causa pa COVID y e presion cu Hulanda tin riba Aruba pa baha gasto. Misha Raymond a opta pa negosha su voto den Parlamento pa pasa e presupuesto di turismo y salubridad pa haya su kier pa fisioterapista. Esaki sin cu tabatin placa disponibel realmente debi di e pandemia a haci hopi daño.
Ta e mesun Misha Raymond aki a kita poder di su mesun gobierno pa duna e poder parlamentario di oposicion unda cu a forma e bloke diabolico di RAIZ, MAS, Accion 21 y AVP pa su sed di vengansa lagando e mesun gobierno cu na ta sostene cay. Misha Raymond y Raymond Kamperveen a firma pa laga minister di RAIZ Geoffrey Wever como minister y na mes momento e ta e di dos cabes di partido FUTURO den parlamento. Misha Raymond ta e cabes no confiabel y traicionero di gobierno y parlamento di Aruba.
