Ley di mes un sexo a bolter cabes di parlamentario Misha Raymond y dune e autoridad di trapa riba ken cu e kier den parlamento ? Fraccion di RAIZ tambe a hiba palabra den parlamento despues cu votacion a cuminsa. No ta descarta cu un arogancia y un cara bon cera y cu un seriedad Misha Raymond di partido RAIZ a hiba palabra.
Misha Raymond e protagonista principal di loke ta su decision riba tur decision cu fraccion di RAIZ a tuma. E parlamentario ta indica cu e la wordo ataca, wordo burla y wordo tilda di a hiba represalia, di ta emocional, persecucion politico pa haci su trabou, asina Misha Raymond a indica den su prome declaracion.
Segun e parlamentario tabatin carta cu a bay na presidente di parlamento Edgar Vrolijk splicando e posicion di fraccion di RAIZ con e la encamina e proceso pa yama un ley. Segun Misha Raymond por tin diferencia di opinion pero ley ta stipula con mester hiba un proceso pa yama un ley.
Segun Misha Raymond no tin un logro ni riba cua lista pone ta hustifica mal uzo di poder pa yama y trata ley di mes un sexo den e caso aki cu parlamentario Misha Raymond ta bringa pe trapando riba derecho di un comunidad cu ta biba abase di norma y balor di un matrimonio di un famia manera cu e mester ta. Segun Parlamentario Misha Raymon e proceso con ta encamina e ley a ser cana malo. E prome rol den sala di parlamento ta pa imparcial, acaso parlamentario Misha Raymond tabata imparcial di para banda di LGBT sin tende e otro banda y deseo di e otro ciudadanonan cu no kier pa trapa riba nan derecho ?
Segun parlamentario Misha Raymond ta imparcial den parlamento ta un logro cu no a mira ainda. Fraccion di RAIZ a laga sa aparte di coalicion con ta sinti loke ta e proceso pa encamina e ley di mes un sexo. E parlamentario a duna di conoce cu por a scucha cu esaki ta un represalia con a vota, pero segun e parlamentario na diferente momento a indica cu fraccion RAIZ ta laga na tur parlamentario pa vota segun nan consenshi.
Votacion no mester ta algo cu ta wanta riba cabes di e otro persona, paso a huramenta pa vota zonder last te hasta ora pa vota pa un voorzitter. Segun Misha Raymond di partido RAIZ na final di dia locual cu ta sosodiendo ta no por acepta cu locual a haci di con a encamina un ley no tabata uno cu tabata imparcial segun Misha Raymond di fraccion di RAIZ.
E mainta prome cu a bin e reunion den parlamento un ora prome cu a cuminsa cu e reunion fraccion a keda informa cu ta bay cambia e sistema di voto y fraccionnan a bisa y vocifera cu no por paso e ta bay contra di reglamento di ordo cu e sistema di vota ta wordo regla den memorie van toelichting di e constitucion.
Misha Raymon ta duna di conoce cu su persona por a comprende cu un supervision mas halto a laga sa na Edgar Vrolijk cu e no por haci esaki y tog a haci e cambio, con bay cu bin segun Misha Raymond di fraccion MEP kier conta tog cu e sosten di RAIZ.
Pero si no tin e sosten di RAIZ dicon ta un coalicion den gobernacion e ora ? Raiz si kier e sosten den gobierno y den parlamento MEP no tin e sosten di RAIZ ? kico ta e mentalidad politico aki ta pa un politico nobo den arena politico? Dictadura? Nos si y otro no ?.
Segun Misha Raymond e acuerdo di gobernacion ta pa sostene e voorzitterschap di MEP , ningun caminda no tin un nomber poni segun Misha Raymond. Misha cu su mes ta contradeci su mes na varios s ocasion, si den e acuerdo di gobernacion ta sostene e voorzitterschap di MEP y ora nan anuncia esaki RAIZ no ta sostene kico esaki kiermen ? A sostene e voorzitterschap of no ? Kico ta loke mester compronde bou di e pensamento y loke Misha ta vocifera contradictorio ? .
Den pensamento di Misha Raymond paso fraccion di RAIZ no ta sostene MEP , esaki ta mal uzo di poder cu RAIZ ta uzando y por a compronde cu gobierno ta cay, asina Misha Raymond a declara. Aki ta caminda cu ta bisto berdaderamente cu Misha Raymond ta un politico nobato y aparentemente no ta compronde e sistema politico di traha cu otro y sostene otro , sin RAIZ, MEP no por funciona pero sin MEP, RAIZ tampoco no por funciona y pa e inmadurez politico aki y e exigencia cu kier dicta loke cu e kier ta kibra un acuerdo, unda cu no tin sosten y confiansa no por traha hunto mas.
Cu un arogancia y incapacidad politico ainda di e eror cu a comete perhudicando su mes un partido y partido den coalicion e ta bati su man riba u palo den parlamento cu un arogancia cu e ta para pa e decision cu su persona y su colega Raymond Kamperveen a tuma. Den pensamento di Misha Raymond segun su persona lo e no mal uza su fraccion pa supuestamente mantene mal uzo di presidente di parlamento pa a para pa norma y balor di e pais aki. Aunke cu e la trapa riba derecho di e grupo di mas grandi di ciudadanonan na Aruba cu ta kere den matrimonio entre homber y muhe.
