E caso di e compania di Seguro ENNIA ta di preocupacion pa nos tur. Tanto pa e grupo di mas 25 Mil pensionado i tambe pa nos sector financiero. Banco Central ta den corte pa logra fondonan cu A keda saca for di ENNIA di forma no usual. Un corte den pensioen di pensionado sigur pa nos no ta Desea mirando e efecto negativo social -economico cu esaki tin pa casnan di famia.
Den mesun rosea Gobierno di Corsou ta haciendo ehercicio pa haña fondo pa ENNIA. Di parti di Conseho di Minister di Reino tin aprobacion pa un fiansa di 1.2 miliard florin pa entre otro capitalista Compania ENNIA. Fraccion di MAN a tuma nota di e contenido di e carta cu Minister Presidente a manda 24 juli 2023. Pa Minister di Fiansa di Hulanda sra. S. Kaag i Secretario di Estado sra. A. Van Huffelen. E Contenido ta indica e preocupacion pero tambe ki por ta e consecuencia di e fiansa cu kier haci pa Capitalista ENNIA.
Di otro banda nos a tuma a nota di e dos carta di CFT caminda ta duna nan Conseho riba e situacion di ENNIA i e fiansa cu kier haci. Den un pais democratico, Parlamento mester keda envolvi den un fiansa substancial di 1.2 miliard Prome cu firma cu Hulanda. Ta un mal uzo di Statuto pa uza un areglo mutuo entre gobiernonan, pa Asina pone Parlamento di Corsou un banda. Ta un berguensa ku den Tweede Kamer ta discuti un Fiansa cu ta concerni nos comunidad directamente, pero nos Parlamento no ta informa kico ta e Proporcion di e Hoofdlijnenakkoord.
Mirando e repercusionnan cu e caso di ENNIA tin pa nos pais i e preocupacion ku ta biba den nos Comunidad caminda mas di 25 mil pensionado por keda perhudica. Nos a haci peticion di URGENSIA pa un reunion publico di Parlamento. E peticion di reunion a keda sostene pa Fraccion Di PAR i Trabou pa Corsou. Pa e reunion aki nos ta desea presencia di Minister di Asuntonan General/Minister Presidente sr. G. Pisas i Minister di Finansa sr. J. Silvania. Fraccion di MAN ta spera cu Presidente lo convoca e reunion mas lihe posibel pa asina pueblo di Corsou i pensionadonan di ENNIA haña claridad i scucha di Gobierno ki ta e accion concreto cu lo Ser tuma.
