19 di september a bin topa cu un curpa di un bebi sin bida den un krèsh na Statia. Mesora Korps Politie Caribisch Nederland (KPCN), bou di guia di dos fiscal di Ministerio Publico, a forma un ekipo di investigacion grandi pa ehecuta un investigacion extenso. For di investigacion di e ultimo dianan a resulta cu no tin ningun indicacion cu ta trata di un delito. No tin rason tampoco pa asumi cu tin otro personanan envolvi den e morto tragico di e bebi.
Cera investigacion
KPCN i OM lo haci algun tramite pa cera e investigacion pero mirando e resultadonan di e investigacion lo desmantela e ekipo di investigacion. “Nos ta desea famia i amigonan di e defunto hopi forsa cu e perdida tragico aki”, asina vocero di OM a duna di konose. awor.nu
