Ministerio di turismo a compromete su mes cu nos historia y cultura florece

Na FortZoutman tabata un anochi emocional unda cu ta sinti cu cultura di Aruba ta rebiba. Minister di Turismo Dangui Oduber ta sumamente contento y orguyoso di por tey presente na Fortzoutman pa e reapertura di e 4 museonan di Aruba. E acuerdo nobo cu e keda firma entre A.T.A , A.P.A y FMA ta duna e garantia cu e 4 museonan ta activo bek pa e local nan , pero tambe specialmente pa nos bishitantenan unda cu e turista por sa mas di nos cultura.

Aruba Tourism Authority A.T.A tambe lo bay yuda promove e cultura di Aruba y asina promove nos historia . Pa e museonan na momento cu pandemia a cuminsa e la crea un situacion hopi fastioso y dificil unda cu e museonan tur mester a cera nan portanan. E berdad ta cu no tabata facil pa por a yega unda nos ta na e momentonan aki despues di hopi empeño di colega minister Xiomara Maduro cu na varios ocasion a acerca ministerio di turismo pa mira si tin fondonan disponibel cu por yuda pusha pa habri e museonan aki pa asina por bira operacional na bienestar di cultura y historia di Aruba na nos local nan y turistanan tambe.

Awe despues di algun tempo caba cu e pandemia a pasa y cu turismo ta creciendo por bisa cu danki na e crecemento aki por a percura por medio di e fondonan di A.T.A y A.P.A por yuda pa e 4 museonan ta activo bek.

Segun Minister di turismo Dangui Oduber nos ta hopi consciente di e importancia cu nos historia cu nos cultura tin pa nos como Arubianonan , pero tambe nos bishitantenan cu mas y mas ta demanda pa conoce nos historia, nos cultura y con Aruba a desaroya su mes den e ultimo decadanan, pesey mes tabata asina importante pa busca e fondonan y danki na crecemento di turismo A.T.A por yuda y yega na acuerdo y yega na e reapertura aki y hacie posibel.

Segun Minister Dangui Oduber for di hopi tempo caba Ministerio di turismo a compromete su mes cu nos historia y nos cultura. A.T.A y A.P.A pero tambe TPEF ta yudando promedio di fondonan disponibel , pero tambe pa restauracion di museo arkeologico unda cu tin varios proyecto caba andando. Di e manera aki ministerio di turismo ta sigui compromete su mes cu nos cultura. Pesey mes ta hopi importante pa e 4 museonan ta habri pa ta activo y pa turistanan yega y bishita pa conoce nos herencia y cultural cu ta asina rico.

Minister di turismo ta gradici Aruba Tourism Autthoryty y Aruba Ports Authority pa e pone e fondonan disponibel y ta desea tur esunnan cu ta forma parti pa reactiva e museonan tur clase di exito. Cultura nos tin cu bibe y awo tambe e turistanan lo haya e oportunidad di biba nos cultura y haya sa mas di nos como Pais Aruba.