E Ministerio di Boluntario di Freewinds ta desinfectando scolnan e ultimo lunanan. Awor den e vakantie di Pasco nan ta trahando mas duro provechando cu scolnan ta bashi habriendo e posibilidad cu nan por desinfecta mas área di e scol.
Esaki ta pa sigura cu scolnan ta liber di Covid na momento cu e dianan di fiesta pasa. Maestronan y alumno por bolbe scol sabiendo cu nan lo ta sigur na nan scol.
E temporada di Pasco tawata e momento perfecto pa cuminsa cu EPI. Debi na e grandura di e scol y e cantidad di edificio ta imposible desinfecta ora e ta ocupa. Maske no tawata tin hende na scol toch a tuma 5 dia pa desinfecta e campus completo y e boluntarionan a hasi esaki debidamente.
Esaki ta di dos biaha cu e campus di EPI a wordo desinfecta dor di e Ministerio di Boluntario di Freewinds. E Manager General di EPI tawata masha contento di mira e ekipo di Boluntario bek pasobra teniendo nos scolnan liber di Covid tin hopi prioridad.
17 Scol a wordo desinfecta cubriendo mas di un kwart millón di pia cuadra desde cu e vakantie di Pasco a cuminsa. E Ministerio di Boluntario ta sigi te ora scol habri pa e siguiente semester. Pero e trabou lo no caba eynan pasobra scolnan lo sigi haya atención di e Ministerio di Boluntario, kendenan kier sigura cu nos scolnan keda liber dio Covid y cu e muchanan por progresa den nan estudio académico.
E respons na e desinfección di e scolnan ta hopi positivo. Un cabesante di scol a remarca:”Mi ta hopi contento cu boso a bin yuda desinfecta . Ta hopi importante pa nos cuida nos salud y salud di esnan rond di nos. Nos ta purba keda saludabel, specialmente den e temponan aki.”
E vise cabesante di Colegio Sagrado Curason,Nadia Maduro. A bisa lo siguiente:” Hopi danki.Un Felis Anja Nobo na tur e boluntarionan c uta hasi e tremendo trabou aki, yudando desinfecta scolnan.Tene cuidou y un biaha mas masha danki.!”
Awor cu e casonan di Covid ta subiendo atrobe ta hopi importante pa sigi ataka e virus mas fuerte cu nunca. E meta ta pa hasi Aruba e lugar mas sigur na mundo. Pesey mester sigi e protocolnan di prevención y desinfección ta mas importante cu nunca.
Scolnan ta hopi importante pa nos muchanan y nan famianan keda saludabel.
E programa di Ministerio di Boluntario di e Misa di Sciensologia ta un servicio social religioso cu a wordo crea mitar di añanan 70 do di e fundador di Sciensologia L. Ron Hubbard. E ta un di e forsanan di rescate independiente mas grandi na mundo.E mandato di un persona den Ministerio di Boluntario ta “ p ata un persona c uta yuda su prohimo riba base voluntario dor di restaura propósito, verdad y balornan spiritual den vida di otronan”
Pa haya sa mas di Ministerio di Boluntario di SCiensologia bishita www.volunteerministers.org.
Pa haya sa mas di Freewinds mira Inside Scientology: The Freewinds na Scientology Network. ( www.scientology.tv/series/inside-scientology/freewinds.html
CONTACT:
Freewinds Port Captain
WhastApp: +1-727-666-0645
