Recientemente, minister di Cultura, Xiomara Maduro, a atende e exposicion anual di ‘Art is Fun’ pa 2022-2023 cu tabata inspira pa e artista di Spaña, e maestro Pablo Picasso.
Tabata un atardi yena cu color y imaginacion di artistanan cu tabata varia entre 5 te cu 14 aña di edad. Durante e exposicion aki tabata tin mas di 120 piesa di arte exhibi caminda cu e artistanan tabata elabora riba kico nan a pinta y e tecnica cu nan a usa pa esaki. Minister Maduro ta contento di por a wak e dedicacion di cada un di e artistanan aki pa cu e piesa di arte cu nan a presenta. ‘E talento di cada mucha a resalta durante e exposicion aki y ta bunita pa wak con nan a usa nan creatividad pa cu esaki’ tabata palabranan cu minister Maduro a comparti na e ocasion aki.
Minister Maduro ta felicita ‘Art is Fun’ cu nan tremendo exposicion y ta desea nan tur cos bon y cu nan sigui contribui na inculca y desaroya arte den nos muchanan aki na Aruba.
