Diabierna ultimo, Minister Geoffrey Wever di Asuntonan Economico, Comunicacion y Desaroyo Sostenibel tabata presente na e clausura di e curso di “Empowered Women Exporters”. Un curso cual a ser organisa pa IDEA di Departamento di Asuntonan Economico cu e meta di coach empresarionan (enfoke riba grupo femenino) con nan por exporta nan producto y servicionan pa exterior.
Esaki ta un bunita iniciativa cual a conta cu un grupo di participantenan di edad y background diverso, cual algun tin experiencia empreserial existente, ofreciendo ambos producto y servicionan. Cu e curso aki ta spera di por expande nan conocemento y brinda e participantenan un empuhe pa stimula nan pa explora e mercado internacional. “Mas nos exporta, mas fuerte nos economia ta bira”, Minister Wever a remarca.
Minister Geoffrey Wever ta manda un palabra di felicitacion na tur participante cu a termina cu e curso, y ta desea nan tur clase di exito den nan caminda empresarial. Tambe kier a expresa su gradicimento na e organisadornan – IDEA – y tambe e instructora cu a haci tur esaki posibel pa nan tremendo trabou.
