Minister Ursell Arends ta duna di conoce cu prome cu pandemia e taxistanan a acerca parlamento di Aruba pa asina encamina pa nan por yega na paga un suma vast tur luna pa belasting. E tempo ey e combersacionnan a cuminsa cu departamento di impuesto, pero despues tur cos a keda para na momento cu pandemia a drenta.
Na momento cu e mandatario a reuni cu e grupo por a compronde cu mayoria di nan no ta bon cu belasting. Asina minister Ursell Arends a propone pa cuminsa canalisa cu e proceso pa asina trece e partidonan hunto pa yega na un solucion pa loke ta trata belasting.
Segun minister Ursell Arends e Belasting no mester ta un motibo dicon e traspaso di e permiso mester pasa pa famia pa asina garantisa cu e yiu of un otro hende ta bay tuma e responsabilidad di e permiso pero tambe di e debe di belasting.
Minister Ursell Arends ta kere cu cada ciudadano tin su responsabilidad cu belasting di Aruba y pesey mes a ofrece pa reuni cu nan y trece e partidonan hunto. Na mes momento den e conseho di minister extraordinario cu tabatin a avisa e minister di finansas tambe riba e proceso mirando cu pagamento di belasting tambe ta toca e integridad cu mester mustra como un emanzaak, nan tambe tin cu mustra cu nan ta bon cu belastingkantoor.
Segun minister Ursell Arends dia 16 di augustus venidero lo mester sinta y dialoga cu e taxistanan y kisas yega na un palabracion concreto cu nan riba e topico di belasting.