No tin un cabes mas duro cu un piedra, asina Minister Ursel Arends ta mira den comunidad di Aruba. E berdad ta cu e taxistanan desde cuminister Ursel Arends a implementa su maneho atrabes di e MB nan cu a la trece y consecuentemente e sa cu e MB nan aki ta ilegal e mandatario ta keda pest e taxistanan.
Den un conferencia di prensa di taxistanan na Kowloon Restaurant por a scucha e gritonan di no ta dia cuerdo cu e posicion cu minister Ursel Arends a pone y ta traha contra di nos leynan. Vocero di taxistanan Linda Orman ta duna di conoce cu minister ta kere para riba su punto y ta bin cu maneho nan sin consulta y por hasta prueba unda cu a manda e mails nan pa e mandatario pa por papia riba e problematica den transporte publico na Aruba y e parti aki e mandatario no a duna oido na dje y tampoco no a pone un fecha pa haya un reunion.
Sinembargo grupo di taxistanan ta tuma nota cu minister ta sigui riba e maneho ilegal cu ta contra di e Landsverordering di personen vervoer. E maneho cu e mandatario kier hiba banda di cu e ta ilegal e ta di nadeel pa e taxistanan y ultimo a manda bisa e mandatario cu no lo sinta cu ne mas. Ta lamenta cu minister Ursel Arends kier keda sinta riba su cabay y no kier hala atras, esaki vocero di taxistanan Linda Orman ta lamenta y taxistanan conhuntamente a tuma e decision cu no lo sinta mas cu e mandatario.
E mandatario den su prome conferencia di prensa ta bisa “nos no ta nan “ sinembargo loke ta e realidad y si mester mira con e mandatario ta traha unda cu no ta saca ningun aviso , ningun rapport y for di nada na prome instante a bisa ta saca 200 permiso di taxi. Segun e mandatario lo e la haya conseho di DTP pa cu e permisonan. Den e di dos reunion e pensamento a cambia y a bisa cu lo e saca 50 permiso, pero mes un cos no a haci ningun investigacion riba e parti aki y e mandatario ta dies saca pa saca.
Vocero di taxi Linda Orman ta duna di conoce cu e expresion di minister di transporte den un conferencia di prensa unda cu a expresa cu e no ta bay ta e di 4 minister como politico corupto , pero segun Linda Orman “ minister ta corupto caba” Locual cu ta haciendo y ta bay contra di ley caba ta mustra cu e minister ta corupto, unda kier bypass Aruba su leynan mas halto cu ta e Landsverorderin –Landsbesluit y ta trapando derecho di e taxistanan den Aruba su grondwet , esakita muestra cu minister Ursel Arends ta corupto caba.
Actualmente no tin hotelnan nobo cu a wordo habri ainda dus na momento cu nan habri mester haci un estudio y mira si ta necesario mas taxi. Por ehempel den area palmbeach tin dos hotel ta habri , pero lamentablemente tur cos ta den un distancia cu e turistanan por cana y nan no lo haci uzo di un taxi, pesey mes ta importante pa haci investigacion si ta necesario pa bin mas taxi
