No ta un secreto cu Serlimar ta den situacion fatal. Pa varios aña e departamento di serlimar ta keda perhudica y nada no ta wordo haci cu e departamento aki. Minister Ursel Arends a ricibi e cartera aki ,pero no a haci net net nada den ningun di su carteranan, entre otro esun di serlimar tambe, Tin un ley den parlamento cu mester pasa e mandatario no a percura pa esaki tampoco, pero sinembargo asina cu a sinta si a cerca contracto cu un compania local cu ta esunnan cu a core un campaña feroz contra di Otmar Oduber na momento cu a para cu Serlimar mester keda di pueblo y cu e departamento mester wordo drecha pa Aruba ricibi placa door di e desperdicionan cu Aruba ta genera. Asina cu Ursel Arends a sinta a firma contracto di 4 aña e compania local aki y awe nos por mira cu serlimar ta den mes un situacion, Sinembargo awe por mira cu un director capacita no a permiti mas pa minister Ursel Arends abusa di e pueblo di Aruba.
Directora di Serlimar Melitza Geerman a retira paso Ursell tabata kier e firma cu e compania 4 aña mas y e la para ariba cu no. Awo Minister Ursel Arends kier pone un director lihe lihe pa nan firma 4 Aña mas cu e compania . Dicon eingelijk? Kico ta e proposito tras di esaki siendo cu den e prome 4 añanan Serlimar no a drecha of si a drecha ? dicon e compania aki mester haya contract y Pais Aruba su mes no por hendel su desperdicio pa Aruba mes genera entrada? Dicon a bringa e incinerator cu tur rapport y hues a indica cu e ta bon pa proceso di kima sushi? Kico tur tin tras di e posibel contract aki?
Tin un situacion amargo na Serlimar unda cu trahadonan ta bay exigi reunion cu sindicato urgente pa claridad. Tambe tin un presion pa esun cu a keda Nataly Wolf firma, pero tambe a duna di conoce cu no lo firma. Serlimar merece miho ?
Ta papia aki di un contract di 100 mil florin pa siman cu ta bira 400 mil florin pa luna cu aparentemente ta e contract. Sinembargo ta papia aki di un tereno di Land Aruba parti Ariba cu ta keda uza pa dera sushi. Esaki ate maneho cu Minister Ursel Arenda a hiba pa Aruba un situacion cu tabata malo y awor e ta dobel malo pa Aruba. Pero dicon decisionnan asina ta keda tuma? Realmente Aruba ta importa Minister Ursel Arends ?