Gruponan di taxista tabatin reunion cu Minister Ursell Arends di loke cu a keda palabra den e prome reunion cu minister Arends lo kier bin cu un otro MB riba e MB nan cu ya caba tin pa asina splica su maneho cu e ta desea. Sinembargo e reunion no a dura mucho largo y e taxistanan a Sali pafo. Un di e abogadonan di e grupo di taxista sra. Desiree Croes ta duna di conoce cu e reunion a bay sumamente lihe, a yega paden sinta den sala a tuma nota cu minister tabatin mas hurista cerca di dje e biaha aki, ta parce cu e prome huristanan no por a splica e mandatario suficiente cu a e ta robes y e mester a busca mas hurista y den e reunion ainda e no ta compronde cu e ta robes y kier ta wrong and strong.
Reunion a cuminsa y segun abogado Desiree Croes e minister a cuminsa papia cu esunnan den sala mane ta un set di mucha den klas manera mucha chikito y a bisa e taxistanan cu a duna nan e oportunidad pa papia y awo ta bay cuminsa mira con cosnan ta bay pa busca un solucion.
Na momento cu minister a expresa e parti aki abogado Desiree Croes mester a para minister cu e posicion y postura cu e la tuma contra di e taxistanan unda cu no ta e ta duna e taxistanan oportunidad pa papia, pero ta pueblo di Aruba a duna un oportunidad pa ta minister y esey e mester respeta. E mandatario a wordo poni eynan pa un confiansa cu tin den su persona y a resulta awe cu e no merece e confiansa, esaki ta debi cu minister Ursell Arends ta haci un proceso completamente robes, y ta kere sigur cu tur e huristanan aki rond di dje a bise esaki, pero e mandatario ta keda wrong and strong y fuera di esaki e mandatario ta bay den prensa y ta purba caba cu taxistanan, esaki ta e parti di mas mahos cu e mandatario a haci.
Ta imposibel pa kere cu e mandatario ta bay den prensa y cu ta purba caba cu taxistanan unda cu kier lanta un rabia den pueblo contra di un grupo di ciudadanonan di Pais Aruba cu ta traha masha duro mes pa nos pais pa turismo pa trece placa y cu ta trece pan riba mesa di nan famia. Na ningun momento e mandatario a papia bon di e taxistanan, solamente a Sali y yama nan pa cartel , practicamente pa sinberguensa ect ect . Lamentablemente e mandatario no ta splica e pueblo cu no ta e taxistanan a traha ley , e ley ta un ley cu ta existi di masha aña caba y pa un motibo e ta existi y e ta mane cu e ta. No ta desconoci cu un taxista su trabou insigur. Sinembargo si e mandatario tin e deseo di cambia e ley di transporte publico y cu ta bisa cu mas hende mester haya e oportunidad di bira taxista ect ect , abogado Desiree Croes ta kere cu tin otro manera nan cu por atende cu e asunto nan aki. Segun abogado Desiree Croes un di e maneranan ta riba un pais democratico manera Aruba ta , scucha prome y esaki ta loke cu e mandatario ta bin ta haciendo robes den un par di siman caba.
E mandatario a bin impone un MB y despues ta yama e taxistanan bin sinta na mesa pa ban papia. Sinembargo no por negosha cu cuchiu riba mesa. E grupo di taxista cu tabata den reunion ta un grupo di taxista cu ta representa mas di 3oo taxista y tabata bon cla cu nan no ta bay negosha cu cuchiu riba mes.
E mandatario a dies pone e taxistanan sinta y e la impone y bisa cu lo bay splica con lo e ta desea di haci e cambionan den e ley di taxi, cambionan cu ta asina grandi den e bidanan di taxista y ta su persona ta bay dicidi con e cambionan ta bay ta , su persona ta bay dicidi con nan ta bay ehecuta , kico por y kico no por y na final e taxistanan no tin nada di bisa.
Abogado Desiree Croes tabata bon cla cu minister Ursell Arends cu asina e cosnan no ta traha, pero pa ta mas specifico e no ta traha pa ningun grupo den nos comunidad, e no ta traha pa e taxistanan tampoco. Minister Ursell Arends no por Sali yamando bo mes minister y bay ataca grupo den nos comunidad di un manera fatal y despues kier pa bay sinta dushi dushi cu otro, e sistema aki no ta bay.
