Den siman di Cultura 2023
Sr. Silvania den su afan pa engrandece cultura i pa duna hobennan e oportunidad pa expresa nan talento, a habri portanan di su oficina pa Sherman Tielman jr. expone su pinturanan den Siman di Cultura 2023. Cuminsando for di 25 september te cu 1 october 2023.
E hoben aki ta di e bario di brievengat i ta usa arte pa expresa ya pa 3 aña caba. E la bin ta prepara cu dedicacion pa su prome exposicion i tur cu bin por presencia su bunita obranan haci cu hopi amor. Riba dialuna, 25 di september 2023, lo tuma luga e apertura caminda invitadonan i prensa lo tei presente di 5or di atardi pa 7or di anochi. Diamars i diaranson ta priva i for di diahuebs te cu diadomingo e exposicion ta habri pa publico. Den e clausura lo bay tin animacion di Grupo Ritmico Sablika, cu ta e grupo ku Sherman Tielman jr. ta milita aden.
For di awor aki Sherman ke gradici e tim cu a traha incansabel pa haci un di su soñanan realidad. Tambe Sherman ta gradici Sr. Silvania pa a kere den dje, enkurash’é i sostene den e proyecto cu pueblo di Corsou por bin presencia. E invitacion ta bay na tur gustadó di arte i pueblo di Corsou completo pa bin mira e bunita obranan na edificio di Ministerio di Fianza na Pietermaai 4-4A.
