Minister Silvania ta aktua kontra lei

Keda sin entrega presupuesto na tempu

Den un karta fecha 9 di ougùstùs 2023 Minister Silvania ta pidi parlamento pa bai di akuerdo pa no entrega presupuesto 2024 prome ku e di dos siman di september manera ta preskribi den  areglo di estado artikulo 85 i art. 36 di nos  “compatibiliteits voorschriften”. 

No entrega presupuesto na e fecha stipulá ku lei ta preskribi ta viola nos leinan. Por konklui ku esaki ku e minister no tin Finansa publiko bou di kòntròl. 

E argumento nan ku mester kaba atende ku asuntu di ENNIA i refinansiamentu di fiansa di COVID no ta balido. Si ta asina semper por pensa un argumento pa no kumpli ku lei. Posishon di Frakshon di MAN ta ku Minister Silvania mester kumpli ku lei i entrega e presupuesto na tempu i den esaki indiká mesora na Parlamento ku prome ku e presupuesto 2024 keda trata den Parlamento lo bin un nota di kambio. Si Parlamento mester aseptá loke Minister Silvania ta pidi lo ta tristu ku Gobernador mester hiba su diskurso na apertura di aña parlamentario sin un presupuesto entrega na Parlamentu konforme lei. 

Kiermen no por informá pueblo nada di lokual ta bai bira maneho di Gobièrnu pa 2024.
Un Parlamento ku ta respetá su mes hamas por bai di akuerdo ku e petishon di Minister Silvania pa viola nos areglo di estado i leinan di komptabilidat.