Minister Rocco Tjon: KIA a caba di haya landsbesluit,inmigracion ta na caminda y KPA, GNC CEA y voogdijraad ta den reorganisacion

Discusion no mester ta den e parti di legislativo so, segun minister di husticia Rocco Tjon na final di dia Aruba por tin e leynan na su luga, pero si no por percura pa e ehecucion lo tin un problema hopi mas grandi. 

Loke cu gobierno di Aruba ta enfoca riba dje ta pa eleva siguridad na nos fronteranan pa evita cu personanan indocumenta ta drenta nos pais y cu tur e consecuencianan cu esaki ta trece cu ne pa nos comunidad y Aruba su sistema di derecho. 

E radar ta haci un bon trabao na unda cu mas y mas e personanan aki ta wordo gara unda cu botonan ta wordo intercepta mucho menos compara cu antes banda di costa unda cu tin indicacion ta haya barinan di gasolin of ta haya botonan kibra cu nan a logra drenta. Segun minister Rocco Tjon no ta inverti solamente den tecnologia pero ta inverti tambe den cooperacion y ta pa e motibo aki mes tin consulta di frontera unda cu tur departamento ta forma parti di esaki unda cu ta haya kustwacht, inmigracion, cuerpo policial, Guarda nos Costa pa di e forma aki traha miho palabracionnan cu otro y asina percura pa ora cu e sistemanan di radar detecta algo bo por manda e patruyanan multidiciplinarionan pa tambe por atende cu e situacion.  

Ministerio di Husticia ta invertiendo den mas radarnan y mas tecnologia nan sofistica cu por facilita e trabao pa cu e personalnan. Segun minister Rocco Tjon loke cu tambe ta hopi importante ta banda di e trabaonan legislativo mester percura tambe cu Guarda nos Costa cu ta un di e organisacionnan na e momentonan aki cu ta riba e lista di prioridad pa por wordo reorganisa completo pa di e forma aki tambe por atende mas miho cu full e tematica di ilegalidad na Aruba. 

KIA ta e organisacion cu a keda organisa completamente caba unda cu e ambtenaarnan a haya nan landsbesluit caba, na inmigracion tur e landsbeluitnan a pasa minister raad caba y ta calcula pa otro luna tur e ambtenaar nan ta bay haya nan landsbesluitnan nobo mirando cu e reorganisacion a keda cla y na e momentonan aki tin cuatro departamento cu ta memey di un reorganisacion. 

KPA ,GNC CEA y voogdijraad ta departamentonan cu ta memey di un reorganisacion na e momentonan aki. Pa loke ta trata e discusion si e ley pa maneho di ilegalnan mester keda administrativo of strafrechtelijk ta uno hopi importante y ta evaluando esaki, pero tin hopi otro aspecto cu Aruba mester tin na su luga cu tambe ta importante cu ta para los na e momentonan aki riba e discusion legislativo.