Minister di Vivienda, Desaroyo Social y Labor (Ministerio VSA) Omar Ottley, oficialmente a gradici HenkVeerdig pa su contribucion den e campaña di vacunacion di e ultimo tres lunanan, como Managera di Vacunacion pa Sint Maarten.
Henk Veerdig a yega e isla den luna di februari pa encabesa Vaccination Management Team (VMT), basa riba su experiencia anterior cu Cruz Cora durante e prome ola di infeccionnan di COVID-19 na Sint Maarten.
Ora cu su contracto a finalisa dos siman pasa, Henk a bolbe Hulanda despues di tres luna fructifero. Desafortunadamente, e mester a nenga e oferta haci door di Ministerio di VSA siman pasa pa extende su contracto debi na circunstancianan familiar na cas.
Te ora cu yega na un solucion structural, e funcion di Manager di Vacunacion lo wordo tuma den forma di colaboracion pa miembronan di VMT: Eva Lista-de Weever, Fenna Arnell & Bregje Boetekees.
”Nos ta tristo pa scucha cu Henk a dicidi pa no extende su contracto, pero nos ta compronde su decision,” Fenna Arnell, kende a papia den nomber di henter e team, a bisa.
“Tabata un placer pa traha cu Henk, y su esfuersonan tabata vital pa exito di e campaña di vacunacion te awo Nos ta spera cu durante su siguiente bishita na Sint Maarten, e lo tin mas tempo pa disfuta di e isla en bes di traha 80 ora pa siman.”
1 comment