Minister Ottley di St Maarten no ta duna ningun permiso pa sera 2 or di madruga

Minister di VSA Omar  Ottley ta nega e rumornan cu ta ser bisa cu su persona a duna un club nocturno cu ta basta popular na St Maarten permiso pa keda habri te cu 2 or di madruga.

E minister ta lamenta cu politiconan opositor ta fomenta rumornan sin echosnan real.

E mandatario a firma un ministeriele beschikking MB cu e desicion tuma cu tur negoshi mester sera pa 11 or di anochi. Sinembargo Minister Ottley no ta rabia cu e persona cu su stem ta circula via un audio insinuado algo cu no ta cuadra cu berdad, pero si ta hopi desepciona cu  e  personanan cu ta  figuranan publico y nan ta na altura di tur e echosnan , pero nan no ta stop esaki

E mandatario ta kere enbes di bay tras redo y insinuacionnan di opositornan politico lo ta mas miho pa puntra e departamentonan di of VSA/TEATT cu ta esnan cu ta controla cada luga cu e ministeriele beschikking y cu si nan ta cumpli.

Pero naturalmente e contesta lo ta no debi  cu no ta un secreto cu tur clubnan mester sera nan portanan pa 11 or di anochi. Esaki ta pone cu tin espacio pa sali pero no te madruga, pero alabes e mandatario ta conseha cu si ta sali semper busca manera di cuida e curpa unda cu mester bisti mondkapje y labaman constantemente y keda na un distancia di 1.5 meter leu.