Presidente di parlamento Addy Thijsen a yama un conferencia di prensa pa aclara mentiranan di Minister Marisol Lopez Tromp . Segun presidente di parlamento despues cu e mandatario a sali for di gobernadora e la tene un rueda di prensa y a haci sierto declaracionnan cu no ta cuadra cu berdad y ta trata di manipula y trose e berdad den su mentiranan.
Den cualkier trabao cu bo por tin tratrata di haci esaki den e miho manera cu por tin y di bon fe semper. Sinembargo den trabao politico na momento cu tin un diputa semper ta normal cu tin diferencia di opinion paso e ta sano den democracia. Pero sinembargo na momento cu yega e momento y consientemente of intencionalmente bo ta excoge pa acusa personanan di actonan penal e ora ey lo pasa over den un otro demencion.
Persidente di parlamento Ady Thijsen ta duna di conoce cu na momento cu minister Marisol Lopez Tromp a declara cu su persona como president di parlamento a pone e griffier marca cu sr Howell como parlamentario a vota, dus cu minister Marisol lopez tromp ta insinua cu presidente di parlamento a bisa e griffier pa e marke, esakino ta cuadra cu berdad.
Segun presidente di Parlamento esaki ta algo contra di ley y e ta un acto penal. Presidente di parlamento ta duna di conoce cu awor cu e la declara e mentira aki e mester carga su responsabilidad y un keho oficial a keda haci na ministerio publico pa loke ta trata valsebeschuldeging di minister Marisol Lopez Tromp.
Hunto cu e keho oficial tambe tin e prueba di e tape di e reunion di parlamento y sa exactamente kico a pasa. Tambe esnan cu ta desea di wak e por haci esaki den diferente Angulo y hasta tin hende ta hunga wega y ta manipula cu e videonan y ta ilustra cosnan cu no ta. Di e manera aki e grupo ey kier purba di atacha credibilidad di hende y acusa hende sin cu e ta e berdad.
Loke ta e realidad cu parlamentario Alan Howell a contesta y a vota pro y e mes un parlamentario a duna di conoce cu e la vota. Minister Marisol Lopez Tromp a ganja riba presidente di parlamento, parlamentario nan y griffier. Segun president di parlamento ta griffier ta esun cu ta nota y no ta presidente di parlamento ta marca, den e caso aki e griffier suplente a nota di su mes y na momento cu e griffier a caba di marca y e presidente di parlamento ta vota delaster den e formulario e ta conta y e ta marca, sinembargo den e caso aki na final ora cu presidente a haya e document den su man e griffier no a conta e resultado y na e momento ey presidente di parlamento a bisa e griffier pa e marca e resultado mirando cu e presidente di parlamento no tin mag di skirbi riba e papel y tampoco e no por lesa e documento sin cu a conta e parti final.
Esaki ta e manera cu e ley ta y asina mester cana e procedura den esaki. Mirando e declaracion cu e mandatario Lopez Tromp a haci e la hinca e instituto di parlamento tambe den un problema debi cu ta mustra cu den e instituto di parlamento fechoiria ta pasa cual cu no ta berdad. E acusacionnan cu e mandatario a haci ta acusacionnan fuerte prinsipalmente na momento cu ta trata di president di staten, e no ta bay pa Ady Thijsen so y esnan cu ta kere cu nan ta atacha e instituto di parlamento ta bon ekiboca.
