ORANJESTAD, Aruba
Minister Marisol Lopez-Tromp awe ta presente pa e segundo tanda y lo ta den espera di e preguntanan of mocion cu parlamentarionan lo trese awe dilanti. Minister Marisol Lopez-Tromp tambe a constata cu ta berdad cu 2 siman pasa Minister Bikker a pone un communicacion cu tur problema a wordo resolve cu lo continua traha hunto den cuadro di bienestar y crisis cu Aruba ta aden awor. Minister Marisol Lopez-Tromp a duna di conose cu maske esaki ta berdad esaki no lo cambia nada pa su persona pa no divulga informacion y documentonan cu su persona mester presenta na Parlamento di Aruba den cuadro di transparencia. Minister Marisol Lopez-Tromp tambe a trese dilanti cu varios di e puntonan cu e parlamentarionan a trese dilanti tambe a wordo mustra den corte cu su persona tabata corecto den su actonan y proceduranan cu ela cana. Pa clarifica awe durante e reunion di Parlamento lo trata esaki den tur forma di transparencia di claridad pa communidad di Aruba, segun minister Marisol Lopez Tromp.
