Diaranson ultimo den Compleho Deportivo Guillermo Próspero Trinidad yen ambiente a tuma luga e encuentro entre ekipo di RCA y Dakota. Un partido di futbol emocionante unda cu na 85 min Dakota a anota pa empata e wega 2-2. Cu e resultado aki Dakota ta titula campeon di futbol di Aruba. Minister di Enseñansa y Deporte, Endy Croes tabata presente pa presencia e tremendo partido di futbol como tambe a duna sosten na e futbolistanan di ambos ekipo. Na final di e partido den presencia di e directiva di Arubaanse Voetbal Bond (AVB) e mandatario di Deporte a haci entrega di e trofeo na e ekipo ganado como tambe na sub campeon di futbol di Aruba.
Masha pabien na ekipo di S.V. Dakota Campeon Division di Honor di futbol y RCA Sub Campeon. Pabien na ambos fanaticada cu a apoya ekiponan cu hopi ambiente!
