LocalFeatured

Minister Endy Croes ta felicita e 66 graduadonan di Colegio Nigel Matthew

Nigel Matthew 3

Siman pasa, Minister Endy Croes a atende diferente ceremonia di graduacion. Diadomingo ultimo, mandatario di Enseñansa a presencia “A Starry Night, Blue Moon” Graduacion di Colegio Nigel Matthew den e ballroom di Aruba Marriott Resort. E anochi festivo a inicia cu e himno di Aruba interpreta pa Whitney Peña acompaña pa Jayden Richardson riba guitara. Sigui pa discurso di “leiding” di Colegio Nigel Matthew Sra. Jasmine Tromp. Minister Endy Croes a duna un discurso y a felicita e graduadonan di aña 2023. Enseñansa ta e motor di un pais y fundeshi di un nacion. Mandatario di Enseñansa a indica cu Gobierno di Aruba tin e tarea pa inverti den enseñansa y crea plataforma pa brinda oportunidad pa tur ciudadano por educa y desaroya nan mes. “Nos ta contento cu e 66 hobennan a haci bon uzo di e oportunidad aki”, Minister Endy Croes a expresa. Colegio Nigel Matthew ta conta cu un total di 66 graduado e aña aki. Durante e anochi festivo a reconoce e miho graduado di havo Nzingha Duinkerk. Sigur un momento hopi emocional durante e ceremonia tabata ora cu a recorda e alumno Ashendel Andrea den feliz memoria cu lo a finalisa su estudio e aña aki. Ashendel tabata un alumno ehemplar, dedica, motiva y stima na Colegio Nigel Matthew. Ashendel tabata practica deporte y a representa Colegio Nigel Matthew den diferente competencia escolar. 

Den nomber di Gabinete Wever – Croes II, Minister Endy Croes a felicita e graduadonan. Alabes, Minister Endy Croes ta gradici Sr. Ivor Curie y Sra. Jasmine Tromp “leiding” di Colegio Nigel Matthew, staf, mentor, docente- y mayornan cu a contribui den e logro di e graduadonan y desea tur graduado hopi exito den e siguiente etapa di nan estudio. 

Comunicado Minister di Enseñansa y Deporte Endy Croes

Nigel Matthew 8 ScaledNigel Matthew 6 ScaledNigel Matthew 5 ScaledNigel Matthew 7 ScaledNigel Matthew 4Nigel Matthew 1

Related posts

Prome 100 dia di trabou di minister Endy Croes a kibra record pa trece solucion

EA News Author

Minister Maduro a firma decreto pa e curso di ‘HoofdKommies’ por cuminsa na Departamento di Aduana

EA News Author

Camaranan a ser kita na warda di polisnan en conexion cu entrega di arma di candela

EA News Author

1 comment

Leave a Comment

Whatsapp Message