Diahuebs ultimo, Minister Endy Croes tabata presente na recepcion di Camara di Comercio y Industria (KvK) na ocasion special unda cu a introduci e directiva nobo. Camara di Comercio ta representa comercio y industria di Aruba. Recientemente, den e prome reunion di directiva a eligi nan directiva pa aña 2023. E directiva di Camara di Comercio ta consisti di 9 miembro cu ta wordo eligi door di representantenan di negoshinan grandi y chikito. Como presidente a wordo eligi unanimamente Sr. Gavril Mansur y Sra. Monica Kock lo fungi como vice – presidente. Demas miembro di e directiva nobo ta Sra. Wanda Broeksema, Sr. Eugene Farro, Sr. Diederik Kemmerling, Sra. Lay Hing de Kort – Yee y Sr. Omar Tromp cu lo fungi tambe como presidente suplente den caso cu e presidente of vice – presidente ta ausente. Camara di Comercio a yama bon bini na dos miembro nobo Sr. Robert Croes y Sr. Derrel Maxwell. Minister Endy Croes a remarca cu ta sumamente importante pa Gobierno di Aruba y Camara di Comercio tin un bon comunicacion y pa hunto sigui traha pa un bon economia. Minister Endy Croes ta gradici directiva saliente pa nan trabou. Alabes ta desea directiva nobo bou di liderazgo di Sr. Gavril Mansur hopi exito.
