Diasabra anochi Minister Endy Croes tabata na Centro di Bario Lago Heights na San Nicolas pa presencia e di 4 Man Double Elimination MMA organisa pa WKA-Aruba. Un anochi cu diferente pelea di mix martial arts. E mandatario di Deporte a expresa cu e tey pa duna apoyo y sosten na e atletanan. Minister Endy Croes a enfatisa pa tur hende corda e ta keda un deporte, na final di dia ta un disciplina e ta, gana of perde keda cu e amistad. Deporte ta e vehiculo crea amistad. E mandatario a sigui bisa cu nos stimula y motiva cada atleta pa practica deporte awe nos ta na MMA, mañan porta na baseball softball, futbol sigur inspira cada atleta pa practica un deporte. E vehiculo di deporte ta percura pe bira un miho persona na sociedad. E dignatario a expresa cu e tabatin e honor pa entrega certificado renoconoci pa WKA na diferente referee.
Minister Endy Croes ta gradici sr. Ricardo Illidge presidente di Dojo Illidge WKA-Aruba pa e invitacion alabes ta felicita e organisacion cu un tremendo competencia. Como tambe palabranan di pabien pa e atletanan cu a haci e evento aki uno exitoso. Cu e deseo, disciplina, dedicacion y determinacion boso ta logra boso metanan. Pabien na e gandonan.
