Recientemente den un encuentro social a tuma despedida oficial di sr. Erwin Arkenbout, representante di Hulanda na Curaçao. Esaki a tuma luga na Quinta del Carmen y a conta cu presencia di Su Excelencia Gobernador di Aruba Alfonso Boekhoudt, Prome Minister y demas colega Minister, miembronan di Parlamento di Aruba como tambe representantenan di sectornan comercial y semi publico. Den su discurso sr. Arkenbout a duna palabra di elogio pa Prome Minister y Gabinete Wever-Croes cu apesar di temponan dificil a sa di nabega e barco Aruba y di semper tin un linea di comunicacion habri cu Hulanda. Tabata un bon oportunidad di intercambia di ideanan cu representantenan di varios gremio. Minister Endy Croes ta gradici sr. Arkenbout pa su trabou cu e la eherce alabes ta desee tur clase di exito den futuro.
