Minister Dangui Oduber a yama un conferencia di prensa na unda a elabora riba e trabaonan di Tourism Product Enhancement Fund (TPEF). Esaki ta un fondo di presupuesto cu ta haci inversionnan di embeyecemento di producto Aruba y ta inverti den nos herencia nan cultural, pero tambe ta percura pa mantene nos costanan limpi.
Segun Minister di Turismo Dangui Oduber TPEF tin un cantidad di bunita proyectonan pa nos turismo. Un di e proyectonan ta di e inversion cu ta wordo haci pa medio di un acuerdo cu ta wordo firma entre TPEF y Museo Arqueologico Nacional Aruba, esaki ta un di e bunita proyectonan cu a keda presupuesta unda cu a firma pa asina e trabaonan por cuminsa oficialmente.
E maneho di turismo ta dirigi pa trece turista fuente diversificando nos turismo y ta haci inversionnan continuo den producto Aruba y tambe percura pa nos tin un turismo sostenibel.
Minister Dangui Oduber ta kere cu nos herencia nan cultural ta sumamente importante pa nos turismo, e turistanan mas y mas no ta bin Aruba solamente pa nos bunita beachnan, nos clima,siguridad y pa nos hendenan, pero tambe nan ta bin pa e experiencianan total cu e pais tin pa ofrece.
Cultura ta un parti importante den e experiencia cu nos kier brinda na nos turistanan. Pesey mes e board di TPEF a keda acerca pa Museo Arqueologico Nacional Aruba caminda nan a presenta un master plan na TPEF y a puntra con TPEF lo por yuda of coopera pa por realisa e masterplan cu a keda presenta.
Na mes un momento TPEF tabata habri pa financia varios fase di e proyecto. Segun minister Dangui Oduber ta papia aki di un masterplan grandi caminda cu lo mester integra pa tin un galeria di arte moderno caminda cu por tene exposicion pa local nan y bishitantenan.
Museo Arqueologico Nacional Aruba ta wordo hopi bon bishita pa nos turistanan y pesey mes ta importante pa por haci inversionnan pa nos por tin un galeria di arte moderno caminda cu exposicionnan por wordo haci pa asina por comparti e experiencia di nos historia y cultura cu nos bishitantenan.
E proyecto ta un di e fasenan cu ta bay wordo realisa unda cu lo bay renoba parti di e edificio di museo arkeologico, pa ta specifico ta e parti di e dak ta bay wordo renoba y siguientemente tin diferente fasenan cu ya caba a keda presupuesta pa e fondo di TPEF y na e mes un momento TPEF a compromete su mes cu lo bay sigui duna cooperacion na e embeyecemento y mehoracion pa e museo arkeologico nacional ta habri bek y asina Aruba tin un facilidad cu ta conforme e maneho cu ta hiba cu tin un bon infrastructura y cu tin un bon museo arkeologico nacional cu turistanan por experencia.
Tambe kier a gradici tur esunnan cu ta bay haci e proyecto aki posibel cu ta Museo Arqueologico Nacional Aruba y board di TPEF. Minister di turismo Dangui Oduber ta spera cu pronto lo e ta bek para dilanti di e edificio pa por entrega un otro bunita proyecto cu ta keda financia pa TPEF. Despues cu e prome parti keda cla , lo percura di sigui e desaroyonan di e siguiente fasenan
1 comment
[…] Source link […]