Minister di Salubridad Publico Dangui Oduber: Gobierno ta habri cu fundacion SIKI pa scucha tur preocupacion di comunidad di Aruba den mundo medico

Fundacion SIKI ta den diferente barionan y ta informando comunidad riba nan derechonan como pashent. Minister di salubridad publico Dangui Oduber ta na altura di e campaña aki y ta kere hustamente cu e ta bon y ta yuda gobierno pa mira y sa e preocupacionnan cu tin den comunidad di Aruba. 

Sinembargo fundacion SIKI ya caba tin un bista di diferente preocupacionnan cu ta biba den comunidad riba e trato medico cu nan ta haya na Aruba. Minister di Salubridad publico Dangui Oduber  ta kere cu ta hopi importante pa gobierno haya informacion cu tin di comunidad cu tin riba e tereno di cuido medico. Pero tambe gobierno tin algun puntonan di preocupacion caba cu ta na altura di dje porehempel e lista di espera cu ta trahando riba dje conhuntamente cu AZV y cu tur esunnan cu tin mester di un diagnostico. 

Gobierno di Aruba lo bay pone mas fondo disponibel pa hala e diagnostico  enbes cu ta bay warda algun luna , por warda algun dia of algun siman. Segun minister di Salubridad publico Dangui Oduber sa cu e lista di espera ta un preocupacion grandi cu tin cu ta biba den comunidad unda cu tin un wachtlijst cu mester haya un diagnostico ta di preocupa, pero ta trahando pa trece solucion pa cu esaki. 

Sinembargo awo cu e situacion di AZV a mehora cu tin un tiki espacio pa haci varios inversion, ta haciendo inversion tambe pa reenforsa e prome liña di cuido unda cu a anuncia cu lo ta bay tin opleiding di dokters assistant unda cu lo ta bay tin mas cupo disponibel pa dokternan di cas unda cu ta bay habri un otro huisarts post na IMSAN pa complementa  hunto cu esun na hospital dokter horacio Oduber  cu ta habri despues di 6 or di atardi te cu 10 or di anochi .  

Tambe ta den e proceso pa haci e anuncio oficial sea ta den juli of augustus cu e servicio aki tambe ta disponibel na IMSAN , esaki ta pone cu na momento cu dokter nan di cas di pariba di brug despues di nan orarionan di oficina cu nan no ta trahando mas e pashent por bay na IMSAN cu ta bay tin un post di huisarts cu ta duna e servicio. 

Segun minister Dangui Oduber SIKI ta un fundacion priva cu ta duna diferente charla den diferente barionan riba derecho di pashentnan cual ta hopi importante pa cada pashent y asegurado sa kico ta nan derechonan. Banda di esaki gobierno ta sinta regularmente cu esunnan cu ta maneha fundacion SIKI pa nan por comparti e experiencia y tambe informacion y e feedback cu nan ta haya di aseguradonan pa asina gobierno por delinea e preocupacionnan den e maneho cu gobierno ta hiba pa cu cuido medico na Aruba.