Hunto cu colega Minister di Husticia di Curaçao, Sr. Shalten Hato, Minister di Husticia Y Asuntonan Social di Aruba, Rocco Tjon a hiba palabra durante e simposio titula “Human Factor vs Technology.
Un simposio interesante organista pa e “Stuurgroep Informatie Coordinatie” di cual e “voorzitterschap” ta den man di Aruba, den nomber di Sr. Juri Nicolaas, hefe di Siguridad Nacional. E meta di e simposio ta pa hunto cu tur stakeholders den e cadena hudicial, local y regional, structuralmente delibera riba temanan strategico. E simposio aki a conta cu participacion di tur e altocomisarionan di Reino Caribense, RST, pero tambe participantenan di sector semi-publico y priva.
Segun tanto Minister Tjon y Minister Hato ta sumamente importante pa inverti den tecnologia, pasobra esaki sigur lo yuda combati criminalidad mas eficiente y eficaz. Pero no por neglisha e recurso di mas valioso den cuadro di esaki, cual ta e recurso humano.
Pa e motibo aki ta importante pa crea structuranan di organisacion adecua, inverti den educacion y guia pa personal. Por ultimo mester percura pa crea e posibilidatnan pa por emplea e expertonan necesario den organisacionnan cu ta pertenece na e cadena hudicial.
