Minister di Husticia Rocco Tjon: Caso di ex hefe di Inmigracion y ex hefe di Guarda nos costa no ta cera ainda

Ex director di inmigracion y ex director di Guarda ambos a cana nan caso den corte contra di LandAruba. Ambos departamento ta cay bao di minister di husticia Rocco Tjon, pero na mes momento ambos departamento tin directornan nobo, pero na mes un momento ambos ambtenaar a gana nan caso ultimo.
Na e momentonan aki te ainda no a mira cu ningun di e dos ambtenaar nan aki ta na pia di trabao sea ta den nan funcion mes of den un otro funcion cu e mandatario lo mester ubica nan. Sinembargo ambos lo cobra su salario met terugwekendekracht y lo haci un dolor den finansas di Aruba y di e otro director cu lo ta cobrando su salario , pero Aruba no ta beneficiando di su inteligencia y su experticio cu pueblo di Aruba ta pagando pe riba decisionnan di mandatarionan cu a tuma un decision di persigui ambos ambtenaar.
Nos di EA news a haci pregunta na minister di husticia den e caso aki y kico ta su punto di bista of maneho den e parti aki ta, sinembargo e mandatario a expresa cu e no ta elabora riba casonan individual teniendo na cuenta riba e derecho di e personanan mes.Aunke cu nan ta funcionario di Pais Aruba y ta pueblo ta paga pa nan salario y kier sa kico lo sosode mirando cu e vonnis nan ta papia bon cla riba loke a sosode.
Na mes momento Minister di Husticia Rocco Tjon ta duna di conoce cu ambos caso ta ketobay den corte y unda cu ningun di e dos casonan aki no ta cera completamente ainda. E departamentonan cu e dos hefenan aki tabata ubica ta wordo atendi pa nan por sigui funciona pa dos otro hefe.