Den pasado tabatin diferente discusionnan riba e sistema di BBO na Aruba. Sinembargo Minister di finansas Xiomara Maduro ta duna di conoce cu te na e momentonan aki e BBO ta e sistema cu ta trahando bon debi cu e ta simpel den su ehecucion y administracion. Tin hopi companianan chikito y no ta tur hende tin un ekipo di administracion pa tene cosnan pero tambe pa e ehecucion pa asina e ley di BBO por keda ehecuta door di Departamento di impuesto (DIMP ) e BBO ta simpel den su forma.
Banda di esaki tambe nos tur sa cu den e landspakket a exigi pa Aruba bay over na un BTW.
E berdad ta e modelo di BTW ta un manera mas eficiente pero administrativamente e ta exigi mas di e departamento di impuesto. Esaki ta pe motibo di e parti di duna bek. Aruba a traha dos aña den e parti aki y IMF tambe a yuda Aruba cu su recomendacionnan for di aña 2003 unda cu e tempo ey caba a bisa pa Aruba cuminsa bay den e direccion di un BTW pero pa tene esaki mas simpel cu ta posibel.
Aruba a traha riba e sistema di BTW y a yega e momento di bay parlamento, pero Aruba no tabatin mayoria den dje. Nos tur sa cu na momento cu no tin mayoria cu tabata desea e BTW e ley di esaki no ta pasa y tur cos ta caba eynan.
Sinembargo di otro banda pa e trabao no bay perdi a tuma e decision cu lo introduci BBO na frontera cu ta traha casi mes un cos cu un BTW. Sinembargo e no ta traha completamente pero e BBO na frontera ta coi solamente e parti di producto, e otro parti cu falta cu BTW tin mes un cos ta e parti di e servicionan cu a keda afo debi cu a scoge di no bin cu un BTW pero BBO na frontera.
BBO na frontera ta solamente riba e parti di producto y ta mira e mes un sistema di traha caminda cu si a paga dimas e ora e ta wordo verekent y asina e sistema ta traha na e momentonan aki. BBO na frontera ta parecido na BTW y te na e momentonan aki asina aki lo e keda. Speculacionnan cu tin si BTW lo bini pa Aruba, Minister di Finansas Xiomara Maduro ta aclaria y ta bon cla cu BTW no lo bin pa awor aki.
