Minister di finansas di Curaçao Javier Silvania ta contento di ta na Aruba y esaki ta di dos anja cu ta bin bishita Aruba y celebra 18 di maart cu e pueblo di Aruba. Ta un sentimento bunita unda cu por topa cu e pueblo di Aruba y e hende nan di Curaçao cu ta na Aruba cu ta celebra hunto cu e pueblo mane ruman. Minister di finansas di Curaçao Javier Silvania ta kere cu nos tur ta forma parti di Reino Hulandes y nos tin un pasado comun y nos tur ta papia e mes un idioma cu ta papiamento. Nos mester biba cu e realidad cu pasado ta pasado y pasado mester fortifica nos y uni nos pa futuro.
Minister di finansas di Curaçao Javier Silvania ta felicita minister di Cultura Xiomara Maduro mirando cu e talentonan na Aruba ta grandi. Pa e mandatario ta un placer pa ta na Arba y experencia loke ta canto y baile cultural di Aruba.
Como minister di finansas e retonan cu Reino Hulandes ta grandi y e ta un lucha semper, ta forma parti di un Reino pero hunto mester purba soluciona e problemanan cu tin. Loke cu cada pais tin den comun ta cu semper falta di fondo, pero e fondo cu tin ta trata di haci mas cu ta posibel.
Sinembargo educa un pueblo riba con un gobierno ta funciona ta un tarea cu tur pais tin. Segun Minister di finansas di Curaçao Javier Silvania na Curaçao hopi hende no sa mes kico ta un tarea di un minister y nan ta puntra cosnan cu no ta tarea di un mandatario. Hopi hende no sa kico realmente ta e rol cu un minister tini den comunidad. Ta importante pa nos educa nos hendenan pa asina nan sa con gobernacion ta funciona pero tambe pa nan sa kico ta e derecho y obligacion cu nan tin. Un pueblo cu ta bon informa y educa tin cu Sali pa su interesnan y den e burocracia di gobierno e por cana su caminda nan pa e por logra loke cu e tin derecho di haya.