Minister di defensa di Hulanda, señor Ruben Brekelmans tabata na Aruba y a haci bishita na diferente di e islanan den Reino Hulandes. E prome reunionnan cu a la haci ta cu Gobernador di Aruba, Prome Minister, Minister di Husticia, e combersacionnan a bay riba e cooperacion di trabou entre Aruba y Hulanda, pero tambe a papia riba e situacion politico di e isla,traficacion di hende, traficacion di droga y tambe riba e tareanan militar cu tin na Aruba. Minister di defensa di Hulanda, señor Ruben Brekelmans a bishita Aruba, pero tambe a haci bishita na Corsou y St Maarten.
Pa Minister di defensa di Hulanda e cooperacion entre Aruba y Hulanda ta bon y ta duna asistencia te na unda cu por. Tambe a haci bishita na kustwacht unda cu a ricibi basta informacion unda cu ta atende cu e accionnan intensivo na momento cu ta trata di traficacion di hende y traficacion di droga, esaki tambe por mira bek na e cantidad di droga cu Kustwacht ta logra captura y por demostra di e trabounan intensivo cu ta wordo haci pa proteha e awanan teritorial di Aruba.
Como defensa Hulandes ta pone 3 miljard mas pa inverti pa asina cubri cu e 2% cu NAVO ta exigi y tambe ta mira kico tur mas tin mester pa proteha Hulanda for di Rusland porehempel, pero tambe defensa Hulandes ta mira pa proteha full Reino Hulandes, pesey mes ta inverti mas den e parti maritimo, pero tambe ta pone 12 miyon den defensa aereo unda cu tambe ta pone un presupuesto pa e islanan den Caribe.
Actualmente ta mas atento mirando den area di e islanan di Reino Hulandes tin basta tension politico y pesey mes ta scoge pa inverti mas y pa tin un bon proteccion. Sinembargo e prioridadnan ta keda traficacion di hende y droga cu Hulanda ta desea pa tin man duro cu e dos accion nan aki.
Aunke cu tin tension politico na Venezuela e islanan no mester tin panico, pero si como defensa Hulandes semper mester ta bon prepara. Pesey mes meter keda inverti den e parti maritimo y tambe aereo.
Minister di defensa di Hulanda, señor Ruben Brekelmans ta duna di conoce cu ta compronde cu Aruba tin hopi retonan, importante ta pa por dialoga cu otro, Hulanda no kier tuma ningun responsabilidad di Aruba over, pero si mester keda cu bon contacto y dialoga y mehora. E problemanan cu KPA tin , KPA mes mester ta responsabel pa nan maneho y Hulanda lo tey na momento cu haci peticion pa un sosten. No ta solamente Aruba tin problema di scarsedad di personal di polis porehempel, Hulanda tambe tin e problemanan aki, pero ta sostene otro abase di bon comprendemento y dialogo.
Tambe Minister di defensa di Hulanda, señor Ruben Brekelmans ta na altura cu Aruba ta den un transicion pa formacion di un gabinete nobo pa Aruba y ta keda cu un bista di con e gabinete lo bay forma pa asina e relacion keda bon y por keda traha bon cu otro. Minister di defensa tin tur confiansa cu e gobierno nobo cu bin e relacion di trabou lo keda mes bon manera cu e ta actualmente.