Na Fortzoutman a tuma luga reapertura oficial di e 4 museonan di Aruba. Minister di Cultura Xiomara Maduro ta hopi contento cu fundacion museo arubano ta logra den cooperacion hunto cu A.T.A y A.P.A pa por logra haci apertura di loke ta e museonan na Aruba. Ta trata aki di 4 museo cu mester a cera durante di e periodo di pandemia COVID.
Esaki tabata un momento hopi duro caminda cu ta mira cu e fundacion cu tin e responsabilidad pa por maneha e museonan FMA, a purba di tur manera pa por tene cabes riba awa, pero debi cu e fondonan necesario no tabata por a yega na ora y esaki a trece cu ne cu poco poco mester a limita loke ta e operacion ta na momento cu nan mester a cera nan portanan.
Di parti di gobierno a busca diferente avenida pa por wak con por a habri e museonan den un otro formato cu ta un otro manera di financia, pero si a percura pa loke ta e coleccion nan di e museonan keda bon sigura y conserva, asina a sigui traha cu FMA pa por logra e dia aki cu un biaha mas e museonan na Aruba por habri nan portanan bek despues di pandemia. Minister di cultura Xiomara maduro ta gradici A.T.A y A.P.A pa nan contribucion grandi.
Trahando hunto asina aki por bisa cu e museonan por cuminsa bek cu un plan pa e aña aki, pero e añanan nos dilanti pa asina no solamente e pueblo di Aruba pero tambe turistanan por bin y ceraconoci cu locual ta di nos cultura y nos historia. Na mes momento e invitacion ta keda na e pueblo di Aruba tambe pa bishita e museonan aki , pero tambe e stakeholdersnan bini hunto tambe y mira den ki manera FMA por tin un cooperacion hunto cu nan na bienestar.
Click aki bao like y share
1 comment
[…] Source link […]