Actualmente gobierno di Aruba ta hibando un maneho financiero sumamente responsabel, ta mira diferente pensamento unda cu ta bisa pa pone e surplus den e comunidad, e ta facil pa bisa pero e surplus un gran parti ta bay pa e debe cu Aruba a hereda den 2017 cu a ricibi di AVP e tempo aya.
Actualmente Gabinete Wever Croes ta bahando e debe nan cu tin pa Aruba haya e espacio pa hala rosea. Pesey mes Minister di Labor, energia y integracion Glenbert Croes ta kere cu ta hopi importante pa e ciudadano ta consciente cu un continuacion di e mes un plannan y pensamento pa saca Aruba di e situacionnan dificil y debe nan cu tin ta esencial.
Actualmente Gabinete Wever Croes ta bahando e debenan pa asina trece un balans y pa tin un futuro pa e siguiente generacionnan. Actualmente e maneho financiero ta bon unda cu por mira e turismo ta crece, economia ta creciendo, desempleo ta bahando, pension subiendo, a subi salario minimo, duna trahadonan di gobierno nan indexering bek, tur esaki ta desaroyonan positivo cu Gabinete Wever Croes a percura pe.
Segun Minister di Labor, energia y integracion Glenbert Croes nos mester sigura cu nunca mas debenan cu gobiernonan iresponsabel a ocasiona y a laga atras bin bek, no por permiti pa nan kibra e futuro di Pais Aruba. Pesey mes e peticion na pueblo di Aruba ta pa duna partido MEP e mandato completo pa sigui traha y haci cambionan grandi pa Aruba pero pa e hende cu ta biba riba e pida baranca aki.
Nos no mester lubida cu e debe di AVP ta un pandemia, e crisis social tambe ta un pandemia cu partido AVP a laga atras unda cu e gobierno di MEP mester a bin pa drecha y banda di esaki a haya un pandemia di COVID pero a demostra madurez y por a pasa y sali for di un situacion hopi delicado.
